Прэзiдэнт запатрабаваў ад Белаграпрамбанка ўзмацнiць падыходы да крэдытавання суб’ектаў гаспадаранн

Источник материала:

Сяргей Румас праiнфармаваў кiраўнiка дзяржавы аб вынiках i перспектывах работы банка. Па вынiках справаздачы прэзiдэнт падтрымаў i адобрыў пераўтварэннi, што адбылiся ў рабоце банка.

У дзейнасцi банка сёння назiраецца пазiтыўная дынамiка. «Вы трымаеце сiтуацыю пад кантролем. Але, нягледзячы на пазiтыўныя вынiкi ў рабоце банка, шмат яшчэ трэба будзе зрабiць, — падкрэслiў Аляксандр Лукашэнка. — Мы падтрымлiвалi i будзем падтрымлiваць Белаграпрамбанк. Гэта структураўтваральны банк, прыярытэтам работы якога з’яўляецца вёска. Важна, каб такiя буйныя банкi, як Беларусбанк, Белаграпрамбанк, Белпрамбудбанк эфектыўна працавалi».

Перад Белаграпрамбанкам стаiць задача заняць лiдзiруючыя пазiцыi ў банкаўскай сiстэме краiны.

Кiраўнiк дзяржавы адобрыў новы фiрменны стыль Белаграпрамбанка i паставiў задачу на працягу двух гадоў аформiць у адзiным стылi ўсе офiсы банка.

Прэзiдэнт цiкавiўся развiццём нацыянальнай плацежнай сiстэмы «Белкарт» i зрабiў шэраг даручэнняў па яе развiццю.

Размова iшла таксама аб развiццi рознiчнага бiзнэсу Белаграпрамбанка, у прыватнасцi аб сiстэме ўкладаў «Лiнiя росту» i дысконтных аблiгацыях на прад’яўнiка.

Белаграпрамбанк традыцыйна абслугоўвае прадпрыемствы аграпрамысловага комплексу, адзначыў Сяргей Румас. Паводле яго слоў, для iх пакуль яшчэ характэрная праблема часовага недахопу свабодных грашовых сродкаў на фоне патрэбнасцi ў маштабнай крэдытнай падтрымцы з боку банка.

Пры вызначэннi новай стратэгii развiцця, падкрэслiў старшыня праўлення ААТ «Белаграпрамбанк», прыярытэт быў аддадзены прыцягненню знешнiх iнвестыцый i развiццю рознiчнага бiзнэсу.

Банк пачаў работу па прыцягненню знешнiх рэсурсаў у канцы 2005 года. Сёння ён займае трэцяе месца сярод беларускiх банкаў па аб’ёму прыцягнутых знешнiх рэсурсаў i першае — па аб’ёму знешнiх рэсурсаў, прыцягнутых на тэрмiн больш як год (больш як $100 млн за 9 месяцаў гэтага года). Гэта добры вынiк, з улiкам таго, што банк выйшаў на знешнi фiнансавы рынак толькi ў 2005 годзе.

Прэзiдэнт паставiў задачу, каб банкаўскае абслугоўванне клiентаў у сельскай мясцовасцi, у аграгарадках не ўступала гарадскому ўзроўню.

«Мы iмкнёмся, каб усе нашы падраздзяленнi, якiя раней былi арыентаваны выключна на юрыдычных асоб, актыўна развiвалi рознiчны бiзнэс», — адзначыў кiраўнiк Белаграпрамбанка. Белаграпрамбанк павiнен прапаноўваць усе паслугi, якiмi карыстаюцца жыхары краiны, дадаў ён.

Прэс-служба Прэзiдэнта Рэспублiкi Беларусь.