Гэта ўсё — каханне

Источник материала:

Запрашальнiк

А хто мне не верыць, можа сам усё пачуць 17 лiстапада на сольным канцэрце Майсурадзе, якi так i называецца — «Гэта ўсё каханне маё». Спявак «замахнуўся» на КЗ «Мiнск» i паабяцаў прыхiльнiкам, па-першае, стопрацэнтна жывую музыку, па-другое, адказы на ўсе пытаннi, якiя прагучаць з залы. А яшчэ чакаецца барабаннае шоу, у якiм змогуць узяць удзел самi гледачы.

Упершыню Тарыел Майсурадзе прадставiць уласную студыю — калектыў прафесiйных музыкантаў, якiя доўга «абкатвалiся» на жывых канцэртах. У прыватнасцi, са спявачкай Маргарытай Лурдж запiсаны некалькi дуэтаў, якiя i прагучаць на канцэрце. Яшчэ адна вядомая спявачка не заяўлена ў афiшах, яе артысты прыберагаюць у якасцi сюрпрызу.

Праз нейкi час пасля прэзентацыi канцэртнай праграмы, прыкладна напрыканцы студзеня 2007 года, стартуе вялiкi гастрольны тур студыi Тарыела Майсурадзе па Беларусi, Украiне i Лiтве. Прычым у кожнай краiне абавязкова прагучаць песнi на нацыянальных мовах.

А яшчэ мы з вамi мусiм хутка ўбачыць спевака ў новым амплуа: за мiнулы год Тарыел паспеў зняцца ў некалькiх расiйскiх фiльмах. Двухсерыйны трылер «Сцiкс», дзе артысту дасталася роля следчага пракуратуры, запланаваны для паказу на канале РТР у лютым—сакавiку наступнага года. Прыкладна на сакавiк намечана i прэм’ера серыяла «Супермаркет». Дэтэктыўны серыял «Пантэра», дзе беларускi спявак «пераквалiфiкаваўся» ў наркабарона, яшчэ знаходзiцца ў стадыi вытворчасцi. А Тарыел тым часам ужо атрымаў прапановы налета зняцца ў 4—5 карцiнах.

Сонца скрозь музыку

Iмя кампазiтара Уладзiмiра Кандрусевiча знаёмае беларускiм меламанам ужо не год i не два, а... трыццаць. На яго рахунку — напiсанне музыкi да 3 балетаў, 45 кiнафiльмаў i больш як 100 спектакляў, якiя паспяхова iдуць у тэатрах Расii, Беларусi, Лiтве, Польшчы, Германii. Тым не менш аўтарскi вечар «Сонца скрозь лiстоту», якi адбудзецца 17 лiстапада ў Беларускiм дзяржаўным музычным тэатры, у творчай бiяграфii маэстра першы.

— Мая музыка запатрабаваная ў тэатрах, i раней проста не было часу задумацца, цi патрэбны мне аўтарскi вечар, а тым больш арганiзаваць яго, — тлумачыць кампазiтар.

Назву канцэрта дала песня, якая гучала ў 1969—70 гг i передавала тое адчуванне свабоды i любовi, якое Уладзiмiр Пятровiч i зараз стараецца захаваць. Павiншаваць маэстра з 30-годдзем творчай дзейнасцi збярэцца сапраўды зорны склад артыстаў з вядучых беларускiх тэатраў — Тэатра юнага гледача, Рэспублiканскага тэатра беларускай драматургii, «коласаўцы», «купалаўцы» i г.д. Гэтаксама чакаюцца салiсты аперэты Наталля Гайда, Арнольд Ранцанц, Валянцiна Пятлiцкая, вядучыя балетныя танцоры Юрый Дзятко, Канстанцiн Кузняцоў i многiя iншыя знакавыя асобы. У праграме — сцэны з балета «Мефiста», мюзiклаў «Шклянка вады», «Джулiя», «Небяспечныя сувязi». Акрамя таго, песнi Уладзiмiра Кандрусевiча выканаюць зусiм маладыя артысты — выхаванцы прадзюсарскага цэнтра «Спамаш», у якiм Уладзiмiр Пятровiч з’яўляецца мастацкiм кiраўнiком.

Плануецца, што тэлеканал АНТ падрыхтуе тэлеверсiю аўтарскага вечара, якая i будзе прапанавана шырокаму колу гледачоў у хуткiм часе.

P.S. Дарэчы, ёсць ва Уладзiмiра Кандрусевiча мара — напiсаць сучасны мюзiкл. Таму аўтары, якiя, на iх думку, могуць прапанаваць вартыя сцэнарыi, запрашаюцца да супрацоўнiцтва. Можна дасылаць прапановы на адрас нашай рэдакцыi, а мы абавязкова перададзім iх кампазiтару.