Аляксандр ЛУКАШЭНКА: «Наш саюз iснуе»

Источник материала:

Аб гэтым заявiў Прэзiдэнт Беларусi Аляксандр Лукашэнка, сустракаючыся з кiраўнiком адмiнiстрацыi Валгаградскай вобласцi Мiкалаем Максютам. Кiраўнiк дзяржавы адзначыў: «Што б хто нi гаварыў пра нашы адносiны з Расiяй, у нас з вамi больш, чым адзiныя погляды на сусветныя працэсы, на працэсы развiцця нашых народаў i нашых дзяржаў. Нягледзячы на розную крытыку, наш саюз iснуе».

Аляксандр Лукашэнка акцэнтаваў увагу на тым, што ў гэтым годзе ўзаемны тавараабарот Беларусi i Расii наблiжаецца да $20 млрд. Гэта лiчба сведчыць аб актыўным супрацоўнiцтве дзвюх краiн. Тавараабарот Беларусi i Валгаградскай вобласцi ў гэтым годзе перавысiў $100 млн. Як адзначыў Прэзiдэнт Беларусi, гэтыя лiчбы сведчаць пра многае.

Беларускi лiдар адзначыў, што кожны год прырост ВУП у Беларусi складае 8—10 працэнтаў. А гэта сведчыць аб тым, што краiна вырабляе ўсё больш прадукцыi. Прэзiдэнт падкрэслiў: «Мы гаворым аб дыверсiфiкацыi нашага экспарту. Мы не можам быць замкнуты нават на самай дружалюбнай брацкай краiне, пастаўляючы свае тавары толькi ў Расiю».

«Разам з тым мы не збiраемся пакiдаць традыцыйныя рынкi, — сказаў Аляксандр Лукашэнка. — I вiзiт кiраўнiка Валгаградскай вобласцi важны для нас з пункту гледжання гандлю i эканомiкi».

Беларусь гатова не толькi гандляваць з Валгаградскай вобласцю, але i рэалiзоўваць сумесныя праекты, у прыватнасцi па здабычы ў расiйскiм рэгiёне калiйных угнаенняў, заявiў Аляксандр Лукашэнка.

Беларускi лiдар акцэнтаваў увагу на тым, што сусветны рынак калiйных угнаенняў цяпер перанасычаны, iснуе жорсткая канкурэнцыя. «Таму мы пайшлi на аб’яднанне з адной з расiйскiх кампанiй i сталi лiдарамi ў вытворчасцi калiйных угнаенняў. Сёння без Беларускай калiйнай кампанii не вырашаецца нiводнае пытанне.

Аляксандр Лукашэнка адзначыў, што нi ўнутры Беларусi, нi ўнутры Расii няма нiякiх перашкод, каб прасоўваць iншыя праекты. «Мы адкрыты для супрацоўнiцтва з Расiяй, тым больш з блiзкай для нас Валгаградскай вобласцю», — падкрэслiў кiраўнiк дзяжавы.

Паводле паведамленняў прэс-службы Прэзiдэнта Рэспублiкi Беларусь i БЕЛТА.