Главная
Гороскопы
Беларускiх кнiг з’яўляецца ўсё больш
Дзмiтрый АЛЬФЕР
За дзевяць месяцаў дзяржаўныя выдавецты нашай краiны выпусцiлi 468 назваў кнiг i брашур агульным тыражом 5,3 мiльёна экзэмпляраў. У параўнаннi з леташнiм перыядам дзяржаўныя кнiгавыдаўцы павялiчылi тыраж на палову. Намеснiк мiнiстра iнфармацыi Iгар Лапцёнак выказаў упэўненасць, што павелiчэнне колькасцi друкаванай у Беларусi лiтаратуры — ужо тэндэнцыя. Яна захаваецца i ў будучым. Гэта датычыцца i спецыяльнай лiтаратуры сацыяльнага накiрунку. Напрыклад, кожны год ствараюцца кнiгi для людзей з паслабленым зрокам. Сёлета ўбачаць свет 102 назвы такой лiтаратуры, прынамсi, 14 з якiх будуць выкананы шрыфтам Брайля.
Iгар Лапцёнак расказаў, што ў рэспублiцы зарэгiстравана прыкладна 560 выдавецтваў рознай формы ўласнасцi. Самая буйная недзяржаўная арганiзацыя,«Харвест», выдае больш за 2,5 тысячы назваў у год. Усяго ў краiне за дзевяць месяцаў гэтага года выпушчана 9301 назва агульным тыражом 43,1 мiльёна экзэмпляраў. На беларускай мове ў 2006 годзе выдадзена 634 назвы лiтаратуры (тыраж склаў 4 мiльёны). Летась, напрыклад, убачылi свет амаль столькi ж назваў. Але вось тыраж беларускiх кнiг сёлета стаў большым на 95 працэнтаў. Паводле слоў Iгара Лапцёнка, беларускiя выдавецтвы iмкнуцца iсцi поруч з сучаснымi сусветнымi распрацоўкамi. Ужо з’явiўся электронны падручнiк дзяржаўнага выдавецтва «Народная асвета». Да «Геаграфii Беларусi» для 10-га класа на 2006/2007 навучальны год стварылi дадаткова i электронную версiю кнiгi. Акрамя тэкставых матэрыялаў, на ёй можна знайсцi i фотаздымкi, дадатковую iнфармацыю, бiяграфii вучоных. «Аднак стварэнне электронных версiй кнiг пакуль дастаткова не абаронена на прававым узроўнi. Выпуск лiчбавай лiтаратуры патрабуе даволi значных фiнансавых укладанняў, — падкрэслiў Iгар Лапцёнак. — Электронныя падручнiкi кшталту «Геаграфii Беларусi» будуць распаўсюджвацца ў выпадку, калi на iх будзе iснаваць дзяржаўны заказ».
Чтобы разместить новость на сайте или в блоге скопируйте код:
На вашем ресурсе это будет выглядеть так
За дзевяць месяцаў дзяржаўныя выдавецты нашай краiны выпусцiлi 468 назваў кнiг i брашур агульным тыражом 5,3 мiльёна экзэмпляраў
|
|