Беларусь і Кыргызстан маюць намер гандляваць без пасрэднікаў

Источник материала:

Аляксандр Лукашэнка асаблiва адзначыў, што цяпер Кыргызстан знаходзiцца на ўздыме. «Як бы нi было складана, ваша эканомiка пачынае набiраць абароты — гэта залог таго, што рана цi позна вы зоймеце сваё дастойнае месца ў гэтым складаным эканамiчным свеце», — падкрэслiў Прэзiдэнт Беларусi. Ён сказаў, што Беларусь гатова падставiць сваё плячо настолькi, наколькi гэта будзе магчыма.

Беларусь надае вялiкае значэнне афiцыйнаму вiзiту дзяржаўнай дэлегацыi Кыргызстана на чале з прэзiдэнтам Курманбекам Бакiевым i развiццю супрацоўнiцтва з гэтай дзяржавай у двухбаковым i шматбаковым фармаце, заявiў Прэзiдэнт Беларусi.

Прэзiдэнты Аляксандр Лукашэнка i Курманбек Бакiеў падпiсалi Дагавор аб дружбе i супрацоўнiцтве памiж Рэспублiкай Беларусь i Кыргызскай Рэспублiкай.

У прысутнасцi кiраўнiкоў дзвюх дзяржаў была падпiсана праграма супрацоўнiцтва памiж мiнiстэрствамi замежных спраў Беларусi i Кыргызстана. Заключаны мiжурадавыя пагадненнi аб супрацоўнiцтве ў галiне аховы прамысловай уласнасцi, аб супрацоўнiцтве ў галiне атэстацыi навуковых i навукова-педагагiчных кадраў вышэйшай квалiфiкацыi, а таксама аб супрацоўнiцтве ў галiне адукацыi i навукi.

Прэзiдэнт Беларусi Аляксандр Лукашэнка ў 2007 годзе плануе наведаць Кыргызстан. Беларусь i Кыргызстан маюць намер выходзiць на прамыя пастаўкi сваiх тавараў адзiн аднаму, гандляваць без пасрэднiкаў.

Беларусь заявiла аб гатоўнасцi ствараць у Кыргызстане сумесныя вытворчасцi, у тым лiку па зборцы трактароў МТЗ пры ўмове, што кыргызскi бок гатовы штогод набываць хоць бы 500 адзiнак гэтай тэхнiкi.

Акрамя таго, Беларусь будзе рабiць усё для таго, каб Кыргызстан як мага хутчэй аднавiў сваю эканомiку, каб працавiтыя кыргызскiя людзi нармальна працавалi i атрымлiвалi дастойную заработную плату, сказаў кiраўнiк беларускай дзяржавы.

Паводле паведамленняў прэс-службы Прэзідэнта Рэспублікі Беларусь і БЕЛТА.