Сенатары адобрылi Працэсуальна-выканаўчы кодэкс

Источник материала:

У прыватнасцi, члены верхняй палаты парламента разгледзелi Працэсуальна-выканаўчы кодэкс Рэспублiкi Беларусь аб адмiнiстрацыйных правапарушэннях. Праектам кодэкса iстотна спрашчаецца адмiнiстрацыйны працэс. Так, па справах, па якiх абставiны здзяйснення адмiнiстрацыйнага правапарушэння добра вядомы, а асоба, якая прыцягваецца да адказнасцi, прызнае сябе вiнаватай, пратакол аб адмiнiстрацыйным правапарушэннi састаўляцца не будзе. Замест гэтага будзе выносiцца пастанова аб налажэннi адмiнiстрацыйнага спагнання ў выглядзе штрафу, памер якога будзе мiнiмальным, але не нiжэй пяцi дзесятых базавай велiчынi.

Таксама ў кодэксе замацоўваецца патрабаванне аб недатыкальнасцi асобы. Фiзiчная асоба, у адносiнах да якой вядзецца адмiнiстрацыйны працэс, надзяляецца правам мець абаронцу з пачатку адмiнiстрацыйнага працэсу, а ў выпадку адмiнiстрацыйнага затрымання — з моманту аб’явы аб адмiнiстрацыйным затрыманнi.

Таксама сенатары адобрылi законапраект «Аб унясеннi змяненняў у Кодэкс Рэспублiкi Беларусь аб адмiнiстрацыйных правапарушэннях па пытанню адказнасцi за несвоечасовы абавязковы продаж замежнай валюты». Згодна з праектам, памер штрафу, якi накладаецца на юрыдычных асоб i iндывiдуальных прадпрымальнiкаў за несвоечасовы абавязковы продаж замежнай валюты, будзе складаць да аднаго працэнта ад непрададзенай валюты за кожны дзень пратэрмiноўкi, аднак не больш за суму непрададзеных валютных сродкаў.