Главная
Гороскопы
«Адмарозкi» атрымалi па заслугах
Мiкола ДЗЯБЁЛА
Суд ды справа У следчым iзалятары № 1 Мiнска завяршыўся працэс над цэлай злачыннай арганiзацыяй, вядомай пад назвай «марозаўская».Паводле звестак Вярхоўнага Суда, гэтая банда на працягу 14 гадоў трымала ў страху Гомель i Гомельскую вобласць. На рахунку «адмарозкаў» больш за 100 злачынстваў, у тым лiку забойства 14 чалавек, замах на забойства 5 чалавек, захоп заложнiкаў, а таксама шэраг iншых цяжкiх i асаблiва цяжкiх злачынстваў. Праваахоўным органам удалося прыцягнуць да крымiнальнай адказнасцi 45 удзельнiкаў гэтай злачыннай арганiзацыi, у тым лiку 5 былых супрацоўнiкаў мiлiцыi. Прычым двое вартавых правапарадку мелi самае непасрэднае дачыненне да дзейнасцi злачыннай групоўкi. Судовая калегiя па крымiнальных справах Вярхоўнага Суда Беларусi дала прынцыповую адзнаку дзейнасцi «адмарозкаў». Трое лiдараў злачыннай арганiзацыi: Сяргей Марозаў, Валерый Гарбаты i Iгар Данчанка асуджаны да смяротнага пакарання. Астатнiя, удзельнiкi банды, у залежнасцi ад цяжкасцi здзейсненых злачынстваў, атрымалi розныя тэрмiны пазбаўлення волi: ад 6 да 20 гадоў. Дарэчы, на лаве падсудных апынулiся не ўсе ўдзельнiкi «марозаўскай» групоўкi. Некаторым бандытам удалося ўцячы. Зараз вядзецца iх вышук. Так што кропку ў гэтай справе ставiць яшчэ рана. Да таго ж, неўзабаве адбудзецца спецыяльная калегiя рэспублiканскай Пракуратуры, якая павiнна даць прынцыповую адзнаку рабоце праваахоўных органаў Гомельшчыны, не здолеўшых своечасова спынiць «адмарозкаў».
Чтобы разместить новость на сайте или в блоге скопируйте код:
На вашем ресурсе это будет выглядеть так
У следчым iзалятары № 1 Мiнска завяршыўся працэс над цэлай злачыннай арганiзацыяй, вядомай пад назвай «марозаўская»
|
|