Хроніка апошніх падзей

Источник материала:

Мiнiстр абароны, вiцэ-прэм’ер урада РФ Сяргей Iваноў параўнаў выказванне свайго эстонскага калегi генерала Антса Лаанеотса пра тое, што ў выпадку ваеннай пагрозы з боку Расii, Эстонiю выратуе НАТО, са словамi прэзiдэнта Латвii Вайры Вiке-Фрэйбергi, якая заявiла, што альянс выратуе латвiйцаў ад нашэсця марсiян.

Паводле слоў Iванова, падобныя заявы выклiкаюць «здзiўленне, неразуменне i заклапочанасць». Мiнiстр абароны РФ лiчыць, што заявы, падобныя на тую, што зрабiў Лаанеотс, нараджаюцца ў галiне псiхалогii. Ён таксама параiў свайму эстонскаму калегу, з якiм асабiста незнаёмы, звярнуць увагу на «гераiзацыю фашызму» ў Латвii i Эстонii i сiтуацыю з правамi неграмадзян у гэтых рэспублiках. На думку Iванова, усё гэта «нiяк не ўкладваецца ў дэмакратычныя стандарты НАТО i ЕС».

ЕЎРАПЕЙСКI БАНК НЕ ПУСЦIЦЬ ЛАТВIЮ Ў ЕЎРАЗОНУ З-ЗА НЕПIСЬМЕННАСЦI

Еўрапейскi цэнтральны банк папрасiў Латвiю без памылак пiсаць назву агульнаеўрапейскай валюты — еўра. «Калi вы хочаце перайсцi на еўра — пiшыце гэта слова правiльна», — гаворыцца ў пасланнi банка.

Паводле заявы Еўрапейскага цэнтральнага банка, няправiльнае напiсанне слова «еўра» ў Латвii, дзе яно пiшацца як «eiro», i акцэнтаваная «о» ў венгерскiм варыянце (euroe) з’яўляюцца непрымальнымi. Пры гэтым, калi Венгрыя i Латвiя не будуць прытрымлiвацца правiлаў, яны могуць быць пазбаўлены права далучыцца да еўразоны. Раней паведамлялася, што ў студзенi гэтага года латвiйскi ўрад прыняў рашэнне перайменаваць euro у eiro. Гэта ўжо выклiкала ў свой час папрокi еўракамiсii, аднак пагроза не пусцiць Латвiю ў еўразону прагучала ўпершыню.

СЕЙМ ПОЛЬШЧЫ ПАДТРЫМАЎ УКРАIНУ ПА ПЫТАННЮ ГАЛАДАМОРУ

Сейм Польшчы выказаў салiдарнасць з Украiнай i прыняў пастанову, якой ушанаваў памяць ахвяр галадамору ва Украiне. На пасяджэннi польскiх парламентарыяў прысутнiчала дэлегацыя Вярхоўнай рады Украiны на чале са спiкерам Аляксандрам Марозам.

Вядома, што Расiйская Федэрацыя адмаўляецца прызнаваць галадамор ва Украiне 1932—1933 гадоў як генацыд па этнiчнаму прызнаку. На сустрэчы са спiкерам украiнскага парламента ў лiстападзе кiраўнiк расiйскага МЗС Сяргей Лаўроў заявiў: «Праўда заключаецца ў тым, што ахвярамi галадамору былi як жыхары Украiны, так i жыхары Паволжа i iншых тэрыторый Савецкага Саюза».