Беларусь не дапусцiць абвальнага росту цэн на нафтапрадукты

Источник материала:

На думку экспертаў, рэзкага скачка цэн на нафтапрадукты для спажыўцоў на ўнутраным рынку можна пазбегнуць шляхам знiжэння ставак акцызаў на гэту прадукцыю. Цяпер у Беларусi доля акцызаў у цане нафтапрадуктаў складае 30—40 працэнтаў. Акрамя таго, унутраныя падаткi на нафтапрадукты ў Беларусi ў 6—10 разоў большыя за экспартныя. Таму ўзровень унутраных рознiчных цэн на нафтапрадукты ў рэспублiцы складае каля 50 працэнтаў ад узроўню цэн Еўрасаюза, ён блiзкi да ўзроўню цэн ЗША i адпавядае ўнутраным рознiчным цэнам у Расii.

Расiйскiя дэпутаты заклапочаны ўвядзеннем Расiяй пошлiн на нафту для Беларусi

Шэраг дэпутатаў Дзярждумы Расii выказалi заклапочанасць у сувязi з увядзеннем расiйскiм бокам экспартных пошлiн на нафту, якая пастаўляецца ў Беларусь. Тэкст адпаведнай пастановы, прынятай 6 снежня ўрадам Расii, агучыў у Маскве на пасяджэннi сесii Парламенцкага сходу Беларусi i Расii дэпутат Дзярждумы Мiкалай Кандраценка.

«Мне здаецца, што ва ўрада Расii прысутнiчае вялiкае жаданне падставiць нагу беларусам», — сказаў ён, ацэньваючы гэты дакумент.

«Мне сорамна i балюча прысутнiчаць на нашых сумесных мерапрыемствах i глядзець беларусам у вочы», — сказаў Мiкалай Кандраценка. Адказваючы на выказваннi расiйскiх парламентарыяў, спiкер Дзярждумы Расii Барыс Грызлоў адзначыў, што пастанова ўрада Расii выйшла напярэдаднi пасяджэння Вышэйшага Дзяржсавета Саюзнай дзяржавы. Ён выказаў упэўненасць, што гэта тэма будзе ўзнята на маючым адбыцца пасяджэннi ВДС, якое намечана на 15 снежня.