Зямля Мядзельшчыны будзе адчужацца па асобаму статусу?

Источник материала:

Старшыня камiтэта выказаў прапанову аб тым, што было б мэтазгодным увогуле забаранiць будаўнiцтва i рэканструкцыю аб’ектаў на агульнай падставе на адлегласцi да 500—1000 метраў ад азёр нарачанскай групы. Магчыма, ажыццяўляць такое будаўнiцтва трэба толькi з дазволу Савета Мiнiстраў краiны або кiраўнiка дзяржавы.

На думку Зянона Кузьмiча, права куплi аб’ектаў нерухомасцi ў прыазёрнай зоне нарачанскага рэгiёна павiнна застацца толькi ў дзяржавы. «Наша комплексная праверка Мядзельшчыны выявiла выпадкi самавольнага будаўнiцтва катэджаў, гаражоў, лазняў i гаспадарчых пабудоў, — адзначыў Зянон Ломаць. — Сустракаюцца хiтрыя схемы, калi фiзiчнай асобай купляецца старая пабудова, дзе потым узнiкае «выпадковы» пажар, а ў вынiку на беразе возера будуецца вялiкi асабняк». Паводле меркаванняў экспертаў КДК, такiя шыкоўныя загарадныя дамы будуюцца багатымi людзьмi з мiнскай прапiскай на захопленых землях «паўбандыцкiм» чынам. Сёння па гэтых фактах ажыццяўляецца дадатковая праверка, бо не выключаецца факт наўмыснага падпальвання старых пабудоў з мэтай узвядзення новых будынкаў у прыбярэжнай паласе возера Нарач. Матэрыялы па падобных фактах незаконнага будаўнiцтва зараз накiраваны для прававой ацэнкi i рэагавання ў пракуратуру Мядзельскага раёна.

Сёлета землеўпарадкавальнай службай Мядзельскага раёна выдадзена грамадзянам 247 прадпiсанняў, якiя датычацца мэтавага выкарыстання зямельных участкаў. Згодна з атрыманымi загадамi, на тэрыторыi 157 участкаў гаспадары павiнны завяршыць будаўнiцтва жылых дамоў, а ў 8 выпадках — пачаць iндывiдуальнае будаўнiцтва. Зараз па выяўленых выпадках службай канфiскавана 29 зямельных участкаў агульнай плошчай 5 га, дзе будаўнiцтва жылых дамоў так i не было пачата. Усе канфiскаваныя ўчасткi знаходзяцца ў водаахоўнай зоне рэгiёна. Паводле iнфармацыi начальнiка Мядзельскай раённай землеўпарадкавальнай i геадэзiчнай службы Леанiда Яворскага, за апошнi час у раёне было пераразмеркавана 25 зямельных участкаў, з якiх — 3 пустыя надзелы, а ў 22 выпадках зямельная «ракiроўка» адбылася праз механiзм куплi-продажу аб’ектаў не завершанага будаўнiцтвам жылых дамоў.