Цёплы снежань

Источник материала:

Вось на што трэба звярнуць увагу ў садзе, шаноўныя, раiць вядучы спецыялiст Навукова-даследчага iнстытута пладаводства Марыя МЯЛIК.

У сувязi з цёплым надвор’ем, гаворыць Марыя Рыгораўна, у першую чаргу пабялiце штамбы i шкiлетныя сучкi дрэў. Многiя лiчаць, што гэтую працэдуру можна зрабiць вясной з надыходам цяпла, калi растане снег, тады ў садзе i будзе прыгожа. Толькi не дзеля прыгажосцi гэта робiцца, а для таго, каб зберагчы дрэвы ад сонечных апёкаў, ад трэшчын, ад маразабоiн. (Хто ведае, якая нас чакае зiма, калi яна будзе). У крайнiм выпадку зрабiць гэта яшчэ можна, калi тэмпература апусцiцца да 2-3 градусаў, у вялiкi мароз рабiць гэта не варта. Падыдзе для гэтага i вапнавы раствор. У магазiнах зараз прадаецца садовая фарба, яна i дызiнфiцыруе, i засцерагае ад маразоў.

У яшчэ адносна цёплыя днi ўважлiва агледзьце ўсе пладовыя дрэвы, асаблiва яблынi, знiмiце ўцалелыя на iх лiсточкi, а таксама тыя плады, якiя засталiся на дрэвах — у iх можа зiмаваць пладовая гнiль. З гэтай мэтай таксама чысценька падграбiцеi пад самiмi дрэвамi.

Калi вы не паспелi ўкрыць маладыя дрэвы ад зайцаў, трэба абгарнуць iх яловымi лапкамi, якiя падвязваюць так, каб iголкi былi скiраваныя ўнiз. Абвязаныя такiм чынам дрэвы можна засцерагчы не толькi ад грызуноў, але i ў некаторай меры ад маразоў. Гэта датычыцца ўсiх пладовых культур.

Зараз добры час нарыхтоўваць чаранкi. Калi вы пазначылi сарты, што вам спадабалiся, то лепш зараз i заняцца iх нарыхтоўкай. Чаранкi нарыхтавалi, апусцiлi ў падвал, паставiлi ў вядро з вадой (вады сантыметраў 5). Калi падвал сухi, можна накiнуць вiльготную марлю, цi вiльготны марлевы мяшочак.

Тым, хто сам займаецца вырошчваннем саджанцаў на насенных прышчэпах, самы час здабываць насенне з пладоў груш асенняга тэрмiну выспявання, а таксама сартоў лёжкiх яблынь. Мы рэкамендуем прышчэпваць, у асноўным, на антонаўку, але ёсць сарты зiмастойкiя, каранi якiх маюць мачкаватую сiстэму, таму таксама iх можна выкарыстаць як прышчэп. Калi насенне было нарыхтавана ў мiнулым годзе i не высеяна, то трэба зараз рыхтаваць яго да стратыфiкацыi — адзiн з прыёмаў для паскарэння прарастання (апрацоўка насення вiльгаццю i холадам). Менавiта для цяжка прарастаючага насення пладовых, лясных, дэкаратыўных раслiн выкарыстоўваецца гэты метад. Стратыфiкацыя выклiкае актывiзацыю ферментаў i акiсляльна-аднаўленчых працэсаў, што дае магчымасць атрымаць хуткiя ўсходы. А высяваць мы рэкамендуем у красавiку, калi глеба будзе гатовая да сяўбы.

Яшчэ менавiта зараз можна весцi барацьбу з мышамi. У продажы ёсць спецыяльная затраўка «Шторм». Блакiтныя круглыя таблеткi закладаваць у мышыныя норкi.

Абрэзку садовых дрэў для дачнiкаў i прысядзiбных участкаў, паколькi дрэў не так многа, мы рэкамендуем рабiць у сакавiку—красавiку.