Гурэнка — сярод лепшых ў Расii

Источник материала:

Спорт-тайм

БАЙДАЧНЫ Ў «ДАРЫДЗЕ»

Галоўным трэнерам ждановiцкай «Дарыды» можа стаць былы настаўнiк нацыянальнай зборнай Беларусi па футболу Анатоль Байдачны. Калi Анатоля Мiкалаевiча не зацiкавяць прапановы ад iншых каманд, сваю новую пасаду саветнiк старшынi Беларускай федэрацыi футбола зойме 22 снежня.

МIНЧАНЕ АКУПАВАЛI МЕСЦЫ Ў ТРОЙЦЫ

Пасля 35 сустрэч мiнскi хакейны клуб «Керамiн» працягвае лiдзiраваць у Адкрытым чэмпiянаце Беларусi. Перамога над «Брэстам» (2:1) дазволiла камандзе Андрэя Гусава папоўнiць сваю скарбонку ачкоў: зараз у «драконаў» iх 75. У тройцы мацнейшых яшчэ дзве сталiчныя дружыны — «Юнацтва» (73 ачкi) i «Дынама» (72 ачкi). Ад блiжэйшага клуба, што знаходзiцца на чацвёртай пазiцыi («Хiмвалакно»), мiнскую тройку аддзяляе 10 ачкоў. Вынiкi астатнiх матчаў мiнулага тура: «Хiмвалакно» (Магiлёў) — «Нёман» (Гродна) — 1:1, «Металург» (Жлобiн) — «Сокал» (Кiеў) — 4:2, «Хiмiк-СКА» (Наваполацк) — «Юнацтва» (Мiнск) — 0:3, «Вiцебск» — «Дынама» (Мiнск) — 1:7.

ГОЛ-ФАНТОМ ДАПАМОГ ПЕРАМАГЧЫ

У iтальянскай серыi «В» турынскi «Ювентус» выйграў у «Балоньi» з мiнiмальным лiкам i заняў першую прыступку чэмпiянату. Цiкава, што суддзя Месiна зафiксаваў гэты гол, хоць мяч, трапiўшы ў перакладзiну, лiнiю варот не перасек, а вылецеў у поле.

БЭКХЭМ БАIЦЦА ТРАЎМЫ

Дэвiд Бэкхэм зноў прыцягнуў да сябе ўвагу. На гэты раз вялiкай сумай, на якую застрахаваў сваё здароўе — больш як 195 мiльёнаў долараў. Гэта рэкорд сярод усiх спартсменаў. Справа ў тым, што англiчанiна непакоiць магчымасць атрымаць цяжкую траўму, якая будзе перашкаджаць далейшай кар’еры: у мадрыдскiм «Рэале» паўабаронца будзе яшчэ як мiнiмум два гады.

МАТЭРАЦЫ ЎДАРЫЎ САПЕРНIКА

Абаронца «Iнтара» Марка Матэрацы паўтарыў учынак свайго крыўдзiцеля Зiнедзiна Зiдана ў фiнале чэмпiянату свету па футболу: у матчы супраць «Месiны» iтальянец ударыў галавой у грудзi iвуарыйца Марка Зора ў час барацьбы ў штрафной.