Сям’я i творчасць

Источник материала:

У гэтым упэўнены i начальнiк упраўлення культуры Мiнскага аблвыканкама Анатоль АКУШЭВIЧ. Конкурсаў з удзелам сямейных калектываў праводзiцца ў вобласцi i краiне шмат, i ўсе яны розныя. Але аднолькавай застаецца тая мэта, дзеля якой i збiраюцца сем’i. Аб гэтым я i спытаў у Анатоля Леанiдавiча:

— Трэба iмкнуцца, каб жыццё было карысным, разнастайным, цiкавым. Такi фестываль дазваляе людзям станавiцца больш блiзкiмi адзiн да аднаго, добра ўплывае на сямейны клiмат, узаемаадносiны ў цэлым. Сямейныя праблемы, самая галоўная з якiх зараз — выхаванне дзяцей, паспяхова вырашаюцца ў першую чаргу не на камiсiях па справах непаўналетнiх, а менавiта праз наладжванне адносiнаў памiж бацькамi i дзецьмi. I вельмi цудоўна, што Мiншчына мае магчымасць праводзiць мерапрыемствы з удзелам сем’яў з усiх раёнаў вобласцi.

Сярод iншых на фестываль завiтала i сям’я Бойка з Салiгорскага раёна. Iх сямейны народны ансамбль, уявiце сабе, складаецца з дванаццацi чалавек! Дочкi, сыны, сёстры, сваццi, унукi... Самай малодшай удзельнiцы трынаццаць гадоў, а ўзрост старэйшага ўдзельнiка — 73. «Усё жыццё, як прыйшоў з армii, я займаўся ў мастацкай самадзейнасцi», — кажа кiраўнiк i разам з тым «галава» гэтай вялiкай сям’i Мiкалай Бойка.

Сястры Мiкалая, Таццяне Аляксееўне, днямi споўнiлася семдзесят:

— Спявалi на днi нараджэння ўсёй вёскай два днi, — кажа яна. — А пачалася гiсторыя ансамбля з таго, як Коля з армii прыйшоў. Мы тады збiралiся разам, i... песень — поўная хата. Вось так сорак гадоў i жывём.

Ансамбль вядомы далёка за межамi Салiгорскага раёна, ён неаднаразова перамагаў у розных конкурсах, а ў 2005 годзе атрымаў спецыяльную прэмiю Прэзiдэнта Беларусi.

— Вельмi прыемна, што абласны выканаўчы камiтэт надае шмат увагi развiццю народнай творчасцi. I вельмi радасна глядзець на сем’i — якiя яны таленавiтыя, прыгожыя. Нават пераможцу вызначыць складана, таму што ўсе нашы сем’i — лепшыя, — дадае дырэктар Мiнскага абласнога цэнтра народнай творчасцi Раiса Вайцяхоўская.

Дзмiтрый АЛЬФЕР, Дзяржынск.