Падатковыя льготы атрымаюць вясковыя пенсiянеры

Источник материала:

Марыя Крыля, Лепельскi раён.

Заўважу, што падобных заўваг i прапаноў паступае ў рэдакцыю выдання даволi шмат. Як паведамiла карэспандэнту «Звязды» начальнiк упраўлення падаткаабкладання фiзiчных асоб Мiнiстэрства па падатках i зборах РБ Галiна Радзюкевiч, работа над удасканаленнем па-датковага заканадаўства ажыццяўляецца пастаянна. У гэтых мэтах пастановай Савета Мiнiстраў Рэспублiкi Беларусь ад 12 чэрвеня 2006 года № 741 створана рабочая група, якая распрацавала праект Закона Рэспублiкi Беларусь «Аб унясеннi змяненняў i дапаўненняў у некаторыя заканадаўчыя акты Рэспублiкi Беларусь па пытаннях падаткаабкладання». У прыватнасцi, у мэтах рэалiзацыi правоў i законных iнтарэсаў грамадзян гэтым законапраектам прапаноўваюцца дзеючыя падатковыя льготы па будынках i збудаваннях, якiя знаходзяцца ў сельскай мясцовасцi i належаць на правах уласнасцi фiзiчным асобам, якiя пастаянна жывуць у сельскай мясцовасцi i працуюць у сельскагаспадарчых арганiзацыях, установах аховы здароўя, культуры, сiстэмы адукацыi i сацыяльнай абароны, распаўсюдзiць таксама на былых работнiкаў такiх арганiзацый, якiя былi звольнены ў сувязi з выхадам на пенсiю. Атрымлiваецца, што ў 2007 годзе спадарыня Крыля падатак на нерухомасць плацiць ужо не будзе.

Галiна Радзюкевiч адзначыла, што ў рамках рэалiзацыi мерапрыемстваў па ўдасканаленню сiстэмы стымулявання iнавацыйнай дзейнасцi, якiя прапаноўваюцца Нацыянальнай акадэмiяй навук Беларусi, законапраектам прадугледжана вызвалiць ад падатку на нерухомасць асноўныя сродкi арганiзацый сферы навукi i навуковага абслугоўвання па пералiку такiх арганiзацый, зацверджанаму Прэзiдэнтам Рэспублiкi Беларусь.