«Па гарачых слядах». I не толькi...

Источник материала:

Служба днi i ночы

— Антор, след! — скамандаваў Аляксандр, i службовы сабака нацягнуў павадок, рушыўшы наперад.

Шлях яго ляжаў да спартыўнай пляцоўкi, метраў за чатырыста ад месца здарэння, i мiлiцыянеры заўважылi там чалавека, якi выконваў нейкiя фiзiчныя практыкаваннi.

— Антор падаў голас, тым самым абазначыўшы, што гэта той самы тып, якi разбiў шкло, — расказвалi мне Магiлеўскi i Цiтоў, але чалавек (а гэта быў дваццацiгадовы слесар-сантэхнiк адной з устаноў горада) катэгарычна заявiў, што нiколi там не быў, а сюды прыйшоў пазаймацца фiзкультурай. Калi гэта сапраўды так, паставiлi яму ўмову мiлiцыянеры, спачатку няхай яго абнюхае аўчарка, а потым i след i «скажа сваё слова». Антор i на гэты раз указаў на зламыснiка, i таму нiчога не засталося рабiць, як напiсаць у заяве ў мiлiцыю ўсю праўду.

Пасля я гутарыў з намеснiкам камандзiра роты мiлiцыi аддзела аховы Дзмiтрыем Каршаковым, i ён ахарактарызаваў работу экiпажа так. За паўтара года на iх рахунку некалькi раскрытых злачынстваў, i большая частка — па «гарачых слядах», што сведчыць аб аператыўнасцi ў рабоце i высокiм прафесiяналiзме. Так, не прайшло i гадзiны, як у час дзяжурства да экiпажа звярнулася жанчына — нейкi хлопец вырваў з яе рук сумачку з грашыма i даў дзёру. Зламыснiк быў затрыманы адразу. А вось у другiм выпадку аператыўна-следчая група Савецкага РАУС папрасiла ў экiпажа дапамогi ў пошуку рэчавых доказаў аднаго забойства. I яны разам з Анторам знайшлi iх, за што i былi заахвочаны. Дарэчы, такiх заахвочванняў у iх не адно.

— Сёлета, — працягвае Дзмiтрый Уладзiмiравiч, — вызначыўся i экiпаж групы затрымання ў складзе мiлiцыянера-вадзiцеля Сяргея Аваднёва i мiлiцыянера-кiнолага Уладзiмiра Пiчукова, што раскрылi забойства: пасынак адсек галаву свайму айчыму. На iх рахунку таксама некалькi раскрытых злачынстваў, якiя адносяцца да катэгорыi цяжкiх. Так, каля гандлёвага дома «Рэчыца» iмi быў затрыманы неаднойчы судзiмы мужчына, якi спачатку збiў, а потым некалькi разоў стрэлiў з пнеўматычнага пiсталета ў iндывiдуальнага прадпрымальнiка. А мiнулай ноччу ў рэстаране «Вербачка» ўзнiкла бойка, i на трывожны званок першым туды прыбыў экiпаж у складзе Сяргея Амельчанкi i Андрэя Прашко. На дапамогу iм прыбылi яшчэ тры групы мiлiцыянераў нашага аддзела i ў вынiку было арыштавана пятнаццаць парушальнiкаў парадку.

Што i казаць, нялёгкая (удзень i ўначы, у любое надвор’е) служба ў работнiкаў аховы. Мы прывялi толькi некалькi прыкладаў гэтага з аднаго аддзела. А як нам паведамiлi ва ўпраўленнi аховы Гомельскай вобласцi, за 11 месяцаў асабовы састаў яго падраздзяленняў папярэдзiў 12 крадзяжоў з аб’ектаў, якiя ахоўваюцца, i кватэр i прыпынiў 68 спроб пранiкнення ў iх i ў 39 выпадках затрымаў зламыснiкаў. У час нясення службы на пастах i маршрутах патрулявання аператыўным рэагаваннем на сiгналы «трывога», якiя паступiлi з ахоўваемых аб’ектаў i кватэр, адпрацоўкi арыенцiровак райаддзелаў мiлiцыi аб учыненых правапарушэннях раскрыта 1341 злачынства, у тым лiку 6 забойстваў, 8 разбойных нападаў, 117 рабаўнiцтваў, 565 крадзяжоў, 290 хулiганстваў i г.д.