«Калi нехта i падкладзе свiнню, то прыйдзецца паспаць на грошах»

Источник материала:

1. Якiм выдаўся для вас зыходзячы 2006 год?

2. У год Вогненнага Кабана як вы адносiцеся да выразу «падкласцi свiнню» ў пераносным сэнсе прымяняльна да вас асабiста?

3. Што чакаеце ў наступным 2007 годзе?

4. Навагодняе пажаданне (тоставае, за хвiлiну да запаветнага бою беларускiх «Курантаў»).

Мiкалай МАРТЫНАЎ , генеральны дырэктар СТАА «Марко»

1. Стары год, склаўся паспяхова. Выкананы вытворчыя паказчыкi. На асабiстым фронце таксама ўсё нармальна. Не так даўно з рук Прэзiдэнта атрымаў медаль за добрую працу.

2. Канешне, калi хто-небудзь збiраецца табе «падкласцi свiнню» — гэта не вельмi добра. Тым не менш стаўлюся да магчымых некарэктных дзеянняў з боку спакойна. Увогуле, у народзе кажуць, што свiння прыносiць грошы. Атрымліваецца, што калi хто-небудзь i падкладзе яе табе, то прыйдзецца паспаць на грошах.

3. Мяркую, што надыходзячы 2007 год стане для нас не менш паспяховым, чым папярэднi. Вытворчы працэс на прадпрыемстве «Марко» адладжаны, людзi з належнай доляй адказнасцi адносяцца да сваёй работы.

4. Мае пажаданнi будуць кароткiмi. Жадаю ўсiм поспехаў ва ўсiх справах i пачынаннях, новых творчых пад’ёмаў, а самае галоўнае — моцнага здароўя.

Леанiд КРУПЕЦ, першы намеснiк старшынi Мiнскага аблвыканкама.

1. Цяперашнi 2006 год, якi хутка заканчваецца, прайшоў нармальна. Выкананы ўсе асноўныя вытворчыя паказчыкi, дасягнута неабходная стабiльнасць у грамадстве.

2. «Падкласцi свiнню»... у прамым сэнсе выразу свiння нiкому не пашкодзiць, бо гэта добрая жывёлiна. А ў iншым значэннi лепш «свiнню нiкому не падкладваць».

3. На 2007 год задумак шмат, асаблiва па сацыяльнай сферы: тут i ўвядзенне новых аграгарадкоў з усёй iнфраструктурай, медыцынскiя паслугi...

4. З навагоднiх пажаданняў — моцнага здароўя усiм, бо ад яго залежыць уся дзейнасць чалавека. А яшчэ хачу пажадаць усiм мiру, дабра, шчасця i дабрынi.

Анатоль МАРОЗАЎ, генеральны дырэктар СП ААТ «Брэстгазаапарат»

1. Зыходзячы год, на мой погляд, заканчваецца нармальна, хоць i выдаўся суровым — не так даўно я стаў гендырэктарам прадпрыемства «Брэстгазаапарат». Што нi кажыце, а пасада абцяжарвае чалавека, прычым вельмi значна.

2. Жыццё прывучала мяне амаль да ўсяго адносiцца па-фiласофску i не браць блiзка да душы розныя непрыемныя i нечаканыя «сюрпрызы».

3. У наступны год гляджу з надзеяй, бо яна, як вядома, памiрае апошняй.

4. Жадаю ўсiм стабiльнасцi ва ўсiм, каб у наступным годзе было лепш, чым у гэтым. А яшчэ каб на ўсiх напалi грошы.

Раман АЛЕЙНIК, генеральны дырэктар РУП «Выдавецтва «Беларускi Дом друку»

1. Тое, што планавалася ў 2006 годзе, удалося зрабiць. Праведзена мадэрнiзацыя абсталявання — у яго абнаўленне ўкладзены вялiкiя iнвестыцыi. Зразумела, усё рабiлася для таго, каб нашы перыядычныя выданнi, у тым лiку i газета «Звязда», выглядалi яшчэ больш прывабнымi.

2. Наконт таго, што нехта некаму падкладзе цi збiраецца падкласцi свiнню. Ведаеце, у жыццi ўсялякае здараецца, i наўрад цi трэба засяроджваць увагу на тым, што сёння цi заўтра цябе будзе чакаць нейкая непрыемнасць. Трэба працаваць, радавацца жыццю.

3. У наступным годзе мы мяркуем увасобiць у жыццё многiя напрацоўкi па выданню часопiсаў i кнiг на больш высокiм узроўнi, зрабiць у плане павышэння якасцi палiграфii значны крок наперад.

4. Жадаю ўсёй краiне моцнага здароўя — тады ўсё будзе нармальна. А яшчэ каб добрым дзiцячым смехам напаўнялiся кожны дом i кватэра.

Юрый ЧАРНЫШОЎ, генеральны дырэктар РУП «Гродзенская тытунёвая фабрыка «Нёман»

1. 2006 год стаў для прадпрыемства знамянальным — з канвеера фабрыкi сышло 10,З мiльярда цыгарэт. Гэта рэкордны на сёння паказчык. Атрыманы добры прыбытак. Для мяне асабiста год аказаўся няпростым.

2. «Падкласцi свiнню»... Пад мяне гэта ўжо рабiлася, але я стараюся не карыстацца такiмi прыёмамi.

3. У наступным 2007 годзе думаем выйсцi на новы вытворчы рубеж — выпуск 12 мiльярдаў цыгарэт — i надалей толькi расцi.

4. Маё пажаданне, мяркую, не будзе арыгiнальным: журналiстам, асаблiва вашай газеты, вострага пяра. Увогуле, усiм моцнага здароўя i моцнага духу.

Васiль МАРКЕВIЧ, дырэктар РУСХВП «Птушкафабрыка «Дружба»

1. Год выдаўся складаным, асаблiва яго пачатак, калi многiх апанавалi размовы пра «птушыны грып». Былi пэўныя праблемы з рэалiзацыяй прадукцыi. Праўда, нiякай панiкi ў нашых радах не было. Лiчу гэта вялiкай заслугай усяго працоўнага калектыву прадпрыемства.

2. Калi б размова iшла пра выраз «падкласцi свiнню» ў прамым сэнсе, то я станоўча адношуся. Як-нiяк, а свiння да грошай. А вось у пераносным сэнсе «падкласцi свiнню» гэта не вельмi добра.

3. Наступны год, на мой погляд, не будзе лёгкiм. Але ж па-ранейшаму будзем глядзець ў будучае толькі з аптымізмам, без якога ў жыцці нельга абысціся.

4. Мае навагоднiя пажаданнi будуць такiмi — усiм моцнага здароўя, поспехаў ва ўсiм, стабiльнасцi ў рабоце.

Рыгор ЧУЙКО, генеральны дырэктар «Аграфiрмы «Ждановiчы»

1. Цяперашнi год склаўся для нас няпроста — уборачная кампанiя аказалася нялёгкай. Але, калектыў прадпрыемства спрацаваў вельмi добра.

2. «Падкласцi свiнню» ў добрым сэнсе гэтага слова нiкому не пашкодзiць, бо традыцыйна свiння асацыiруецца з грашамi. Праўда, у жыццi здараецца, што такiя «свiннi» дорага абыходзяцца. Але ж я асабiста, нягледзячы на тое, нарадзiўся ў год Кабана, па жыццi iмкнуся нiкому нiчога дрэннага не рабiць.

3. У Новы год уваходзiм з новымi задачамi. Не сумняваюся, што яны будуць вырашаны, як бы цяжка нам не прышлося.

4. Жадаю ўсiм моцнага здароўя i дабiцца ў жыццi ўсяго, чаго пажадаеце ў навагоднюю ноч.