Вытворчае ўнiтарнае прыватнае прадпрыемства «Дарыда»: 15 гадоў стабiльнасцi, бездакорнай якасцi

Источник материала:

На сённяшнi дзень доля «Дарыды» на айчынным рынку складае каля 30 працэнтаў сярод усiх безалкагольных напiткаў.

Аб’ём экспарту складае больш за 15 працэнтаў ад агульнага аб’ёму рэалiзуемай прадукцыi.

Шырокi асартымент, нязменна высокая якасць дазволiлi прадукцыi УПП «Дарыда» заваяваць вядомасць i любоў шырокага кола пакупнiкоў усiх узростаў.

Усе этапы вытворчага працэсу — выраб ПЭТ-бутэлек, закаркаванне, наклейванне этыкетак, фармiраванне палет — гэта адзiны аўтаматызаваны комплекс, якi дазваляе вырабляць самы шырокi асартымент гатовай прадукцыi, гiбка i аператыўна рэагаваць на змяненнi спажывецкага попыту.

На прадпрыемстве дзейнiчаюць уласныя хiмiка-аналiтычная i мiкрабiялагiчная лабараторыi, якiя аснашчаны сучасным абсталяваннем. Высокаквалiфiкаваныя спецыялiсты здзяйсняюць пастаянны кантроль тэхналагiчнага працэсу i якасцi гатовай прадукцыi.

Вытворчасць сертыфiкавана ў сiстэме кiравання якасцю харчовых прадуктаў на аснове прынцыпаў HАССР. Усё гэта дазваляе кампанii «Дарыда» займаць лiдзiруючае становiшча сярод вытворцаў аналагiчнай прадукцыi ў Беларусi i ўпэўнена выходзiць на знешнiя рынкi збыту.

Для атрымання мiнеральнай, пiтной вады i безалкагольных газiраваных напiткаў на прадпрыемстве маюцца 3 артэзiянскiя свiдравiны глыбiнёй 410 м, 387 м i 266 метраў, кожная з якiх знаходзiцца пад пастаянным наглядам i аховай. Вакол павiльёнаў крынiц — 30-метровая водаахоўная зона. На ўваходзе ў размеркавальную сетку вада са свiдравiн кантралюецца па 35 паказчыках.

На заводзе чатыры вытворчыя цэхі па выпуску мiнеральных, пiтных вод, газiраваных напiткаў, напіткаў серыі «Чайная калекцыя», а таксама цэх лiццявых машын па выпуску ПЭТ-прэформы i коркаў для ўласнай вытворчасцi.

Кожны цэх аснашчаны сучасным высокатэхналагiчным абсталяваннем, з увядзеннем лiнii па разлiву чайных напiткаў. Аб’ём выпуску дасягнуў 15 мiльёнаў бутэлек у месяц.

МIНЕРАЛЬНАЯ ВАДА

Мінеральная вада — асноўны від прадукцыі УПП «Дарыда». Гэта унікальны, непаўторны лячэбны кактэйль, прыгатаваны для нас шчодрай прыродай, які паступае ў натуральным выглядзе да спажыўца, захаваўшы ўсе якасці «жывой» вады.

Мiнеральная сульфатна-хларыдная натрыевая вада «Дарыда» здабываецца са свiдравiнаў глыбiнёй 410 i 387 метраў, размешчаных на тэрыторыi прадпрыемства ў экалагiчна чыстай санаторнай зоне, далёка ад горада i прамысловых прадпрыемстваў. Ваданосны слой, з якога паступае вада, фарміраваўся стагоддзямі

Натуральная мiнеральная вада «Дарыда» ўтрымлiвае аптымальныя канцэнтрацыi жыццёва неабходных элементаў: фтору, ёду, калiю, кальцыю, магнiю. Яна мае пастаянны мiнеральны састаў, натуральную чысцiню, так як праходзiць шлях з тоўшчы зямлi да спажыўца без дотыку рук чалавека i спецыяльнай апрацоўкi, акрамя фiльтраў грубай ачысткi, якiя не ўплываюць на яе састаў.

Мiнеральная вада (газiраваная i негазiраваная) «Дарыда» штодзень аналiзуецца высокаквалiфiкаванымi спецыялiстамi заводскай лабараторыi па 316 паказчыках якасцi вады.

З усiх прадпрыемстваў краiн СНД кампанiя «Дарыда» ў 2005 годзе першай атрымала прызнанне падземнай вады ў якасцi натуральнай мiнеральнай, якая адпавядае ўсiм патрабаванням, што прад’яўляюцца ў краiнах Еўрасаюза, еўрапейскiм стандартам.

Мiнеральная вада «Дарыда» рэкамендуецца для прафiлактыкi i лячэння захворванняў абмену рэчываў, цукровага дыябету, захворванняў нырак, печанi, захворванняў страўнiкава-кiшачнага тракта, поласцi рота i зубоў.

ГАЗIРАВАНЫЯ БЕЗАЛКАГОЛЬНЫЯ НАПIТКI

Для выпуску безалкагольных напiткаў выкарыстоўваецца вада з артэзiянскай свiдравiны глыбiнёй 266 метраў, размешчанай на тэрыторыi прадпрыемства ў экалагiчна чыстай зоне падземнага басейна i якая знаходзiцца ў адным ваданосным гарызонце мiнеральных вод з санаторыем «Крынiца» i Дзiцячым аздараўленчым рэабiлiтацыйным цэнтрам.

Сыравiна дазволена да выкарыстання Мiнiстэрствам аховы здароўя РБ, i яе якасць кантралюецца ўласнай хiмiка-аналiтычнай i мiкрабiялагiчнай лабараторыямi РУП «БелНДI харчовых прадуктаў».

Разлiў безалкагольных напiткаў здзяйсняецца на самым сучасным абсталяваннi вядучых еўрапейскiх вытворцаў, на якое атрыманы пасведчаннi аб дзяржаўнай гiгiенiчнай рэгiстрацыi Рэспублiкi Беларусь.

Большасць безалкагольных напіткаў «Дарыда» вырабляеца з выкарыстаннем высакаякасных канцэнтратаў вядомых замежных фірм і натуральнага цукру. Напіткі маюць чысты, выражаны смак і водар. Якасць і шырокі асартымент дазволілі напіткам «Дарыда» заваяваць сімпатыі спажыўцоў.

Асаблівай любоўю пакупнікоў карыстаецца газіраваны безалкагольны напітак. «Сняжок». Ён добра наталяе смагу, прыемны на смак, мае непаўторны свежы водар лімона ў спалучэнні з ваніллю і з’яўляецца самым любімым напіткам дзяцей і дарослых.

ПIТНАЯ ВАДА «АКВА ДАРЫДА»

Пiтная вада «Аква Дарыда» — гэта натуральная артэзiянская вада, якая ўтрымлiвае мiнералы i мiкраэлементы, што вельмi неабходныя чалавеку для здароўя i прыгажосцi.

Карысная i прыемная на смак «Аква Дарыда» iдэальна падыходзiць для дзяцей ад 1 года без кiпячэння.

Вiдавочныя перавагi зрабiлi яе не толькi адной з лепшых у Беларусi, але i прынеслi прызнанне спажыўцоў у Лiтве, Латвii, Эстонii, Расii. Унiкальная лiнiя разлiву, якая не мае аналагаў, дазваляе захоўваць да года прыродны бiяхiмiчны склад вады без прымянення кансервантаў. Пiтная вада «Аква Дарыда» ўтрымлiвае раствораныя ў ёй прыродныя кальцый i магнiй, якiя добра засвойваюцца арганiзмам. Яна выкарыстоўваецца для прыгатавання першых i другiх блюд, развядзення канцэнтратаў, сiропаў, наталення смагi i папаўнення арганiзма вадой.

ВАДА ПIТНАЯ «ЁДНАЯ ДАРЫДА»

Праблема ёднага дэфiцыту ў арганiзме чалавека ў апошнi час набыла глабальны характар i адносiцца да лiку важнейшых на планеце. У Рэспублiцы Беларусь, у Расii, ва Украiне гэтая праблема ў значнай меры ўскладняецца наступствамi чарнобыльскай катастрофы.

Ёд уплывае на ўтварэнне гармонаў шчытападобнай залозы, якiя рэгулююць дзейнасць усiх залоз унутранай сакрэцыi, нервовай сiстэмы, работу сасудаў i сэрца, аднаўляюць энергiю, затрачаную арганiзмам. Работаздольнасць шчытападобнай залозы — органа, якi адказвае за стан iмуннай сiстэмы чалавека, напрамую залежыць ад наяўнасцi ў арганiзме неабходнай колькасцi ёду. Яго дэфiцыт цягне за сабой ланцуг захворванняў, сярод якiх глуханемата, адсталасць у развiццi, мужчынскае бяссiлле, знiжэнне iмунiтэту, нервовыя растройствы i iншыя захворваннi.

Ёсць некалькi шляхоў вырашэння праблемы ёдадэфiцыту ў арганiзме чалавека. Гэта, перш за ўсё, ёдаванне солi, павелiчэнне ў рацыёне харчавання насельнiцтва марскiх прадуктаў, прымяненне лекавых прэпаратаў. Але пры ўсёй iх карыснасцi яны маюць недахопы, якiя не дазваляюць комплексна вырашыць складанейшую праблему.

Унiкальным сродкам для вырашэння праблемы ёдадэфiцыту з’яўляецца пiтная вада «Ёдная Дарыда». За кароткi час яна атрымала прызнанне ў медыцынскай грамадскасцi i спажыўцоў. «Ёдная Дарыда» мае ўдалае спалучэнне ўласцiвасцяў, з’яўляецца гарманiчным напiткам для штодзённага ўжывання i рэкамендавана Беларускiм НДI неўралогii, нейрахiрургii i фiзiятэрапii.

Розныя ўзроставыя групы насельнiцтва адрознiваюцца па ўжыванню ёду. Дзецi да 1 года ўжо маюць патрэбу ў больш чым 100 мкг гэтага мiкраэлемента. Пiтная негазiраваная вада «Ёдная Дарыда» для дзяцей ад 3-х гадоў — незаменны памочнiк для бацькоў, якiя клапоцяцца аб здароўi сваiх дзяцей, бо прыемны i мяккi смак вады бясспрэчна аблягчае абагачэнне дзiцячага рацыёну неабходным ёдам.

ВАДА ПIТНАЯ «ДАРЫДА», АБАГАЧАНАЯ СЕЛЕНАМ

Дэфiцыт селену з’яўляецца адной з прычын праяўлення такiх паталогiй, як эндэмiчны валляк, захворванне сэрца, печанi, нырак, на дыябет, бранхiяльную астму...

Селен папярэджвае ракавыя захворваннi шляхам умацавання iмуннай сiстэмы, ён неабходны для нармальнай функцыi шчытападобнай залозы i нармальнай работы нервовай сiстэмы.

Яго недахоп выклікае слабасць, павышаную стомленасць, галавакружэнне.

Пры дэфiцыце селену знiжаецца функцыянальная актыўнасць шчытападобнай залозы, печанi i падстраўнiкавай залозы.

Крынiцай селену з’яўляюцца рыба, мяса i семкi, але для атрымання дастатковай колькасцi гэтага мiкраэлементу неабходна штодзень ужываць вялiкую колькасць гэтых прадуктаў. З дзённым рацыёнам насельнiцтва Рэспублiкi Беларусь атрымлiвае каля 20—30 працэнтаў ад рэкамендуемай мiнiмальнай сутачнай нормы. Пры гэтым метады ўвядзення селену ў ежу дастаткова складаныя.

Селен таксама даступны ў медыкаментознай форме, але найбольш натуральнай крынiцай яго з’яўляецца пiтная вада «Дарыда», абагачаная селенам. Гэта чыстая натуральная вада, якая валодае мяккiм i прыемным смакам — просты i карысны спосаб лiквiдацыi дэфiцыту селену ў арганiзме.

УПП «Дарыда» вiншуе сваiх сяброў, партнёраў i пакупнiкоў з Калядамi, надыходзячым 2007 годам i жадае ўсiм моцнага здароўя, новых творчых поспехаў i сямейнага дабрабыту.