Беларусь з 1 студзеня ўвяла мытную пошлiну на транспарцiроўку нафты

Источник материала:

Ва ўрадзе

У адпаведнасцi з законам Рэспублiкi Беларусь аб рэгуляваннi знешнеэканамiчнай дзейнасцi, прынятым у 2004 годзе, Мiжведамасная камiсiя па абаронных мерах у знешнiм гандлi i мытнай палiтыцы 31 снежня 2006 года ўнесла ў беларускi ўрад прапанову аб увядзеннi мытнай пошлiны на нафту, што транспартуецца па тэрыторыi Беларусi праз нафтаправоды, якiя з’яўляюцца ўласнасцю нашай краiны. Саўмiн, разгледзеўшы гэту прапанову, прыняў рашэнне аб увядзеннi з 1 студзеня 2007 года мытнай пошлiны на транспарцiроўку нафты. «Гэта разлiковы паказчык, ён разлiчваецца зыходзячы з формулы фармiравання сусветнай цаны на нафту», — адзначыў прэм’ер-мiнiстр.

У студзенi 2007 года камiсiя прапанавала ўстанавiць гэты паказчык на ўзроўнi $45 за тону нафты, якая транспартуецца праз тэрыторыю Беларусi.

Сяргей Сiдорскi паведамiў, што ўрад прыняў адпаведную пастанову i даручыў Мiнiстэрству эканомiкi, Дзяржаўнаму мытнаму камiтэту ва ўстаноўленым парадку праiнфармаваць Мiнэканамразвiцця РФ, расiйскую кампанiю «Транснафта» аб прынятых Беларуссю рашэннях.