«Нафтан»: усё спакойна!

Источник материала:

Мiнулы год, як адзначыў генеральны дырэктар Вячаслаў Якушаў, стаў трамплiнам для пачатку рэалiзацыi новай праграмы развiцця «Нафтана», разлiчанай да 2010 года. У вынiку аб’ём нафты, што змогуць тут перапрацоўваць, павялiчыцца да 12 мiльёнаў тон у год, i глыбiня перапрацоўкi будзе даведзена да 90—95 працэнтаў, што дазволiць пастаўляць заказчыкам нафтапрадукты, поўнасцю iдэнтычныя еўрапейскiм патрабаванням.

Як расказаў намеснiк генеральнага дырэктара па iдэалагiчнай рабоце i кадрах Мiкалай Калбасенка, на «Нафтане» ўсё спакойна: «Пакуль у Расii працягваюцца святы, нафты на прадпрыемстве хопiць, i нават больш таго, а потым атрымаем новую нафту. Як працавалi з прыбыткам, так i будзем. Шкада, што такi падыход з боку Расii можа ў цэлым дрэнна паўплываць на эканомiку ва ўсёй рэспублiцы».

Мае суразмоўцы падкрэслiлi, што ў мiнулым, 2006-м, на «Нафтане» аб’ём вырабленай прадукцыi павялiчыўся больш як на 25 працэнтаў. Усяго перапрацавалi каля 10 мiльёнаў тон нафты. Каля 70 працэнтаў прадукцыi «Нафтана» экспартуецца ў краiны Еўрасаюза... Адпаведна вялiкiя сумы ў выглядзе падаткаў былi пералiчаны ў бюджэт. У лютым будзе адзначацца чарговая гадавiна iснавання прадпрыемства, гiсторыя якога пачынаецца 9 лютага 1963 года.