Стыпендыi — лепшым

Источник материала:

Аляксандр Лукашэнка назначыў 97 стыпендый Прэзiдэнта Рэспублiкi Беларусь лепшым студэнтам дзяржаўных вышэйшых навучальных устаноў i Беларускага гандлёва-эканамiчнага ўнiверсiтэта спажывецкай кааперацыi.

Назначаны штомесячныя стыпендыi 5 пераможцам мiжнародных прадметных алiмпiяд.

Грашовымi прэмiямi з уручэннем нагруднага знака «Лаўрэат спецыяльнага фонду Прэзiдэнта Рэспублiкi Беларусь па сацыяльнай падтрымцы адораных вучняў i студэнтаў» узнагароджаны 15 пераможцаў мiжнародных прадметных алiмпiяд, 2 пераможцы IV Мiжнароднай алiмпiяды экалагiчных праектаў i пераможца тэлевiзiйнай гуманiтарнай алiмпiяды «Разумнiкi i разумнiцы».

Грашовымi прэмiямi таксама адзначаны 45 пераможцаў ХVII Рэспублiканскага конкурсу навуковых бiёлага-экалагiчных работ i 78 пераможцаў рэспублiканскiх конкурсаў прафесiйнага майстэрства i IV рэспублiканскага фестывалю дэкаратыўна-прыкладной творчасцi «Беларускi вянок».

Прыняцце распараджэння з’яўляецца сведчаннем адраснай, мэтанакiраванай падтрымкi кiраўнiком дзяржавы маладых талентаў i развiцця здольнасцяў таленавiтых маладых людзей, падкрэслiлi ў прэс-службе Прэзiдэнта.

Прэс-служба Прэзiдэнта Рэспублiкi Беларусь.