Аляксандр ЛУКАШЭНКА: Беларусь не адмовiцца ад суверэнiтэту i незалежнасцi

Источник материала:

У прывiтальным слове кiраўнiк дзяржавы высока ацанiў патрыятызм царквы.

«Самае галоўнае, што характарызуе нашу царкву — гэта патрыятызм. Яна заўсёды была з народам i абараняла сваю Айчыну», — падкрэслiў Аляксандр Лукашэнка.

Вiншуючы ўсiх з Ражджаством Хрыстовым, Прэзiдэнт падзякаваў беларусам за давер, што аказваецца ўладзе. «Для мяне няма большай каштоўнасцi ў жыццi, чым ваш давер. Калi я раблю нейкiя крокi, то заўсёды думаю аб тым, што скажуць людзi. Многiм гэта не падабаецца, сёй-той называе гэту палiтыку папулiсцкай — калi ласка. Але лiчу, што дзяржаўны дзеяч любога рангу, тым больш выбраны народам, перш чым штосьцi зрабiць, павiнен думаць, што скажуць пра яго тыя, хто назначыў яго на гэту высокую i адказную пасаду», — падкрэслiў Аляксандр Лукашэнка.

Прэзiдэнт таксама выказаў словы ўдзячнасцi Мiтрапалiту Мiнскаму i Слуцкаму Фiларэту, Патрыяршаму Экзарху ўсяе Беларусi за тое, што Беларуская праваслаўная царква робiць для падрастаючага пакалення i моладзi. «Тое, што ў нас моладзь асаблiвая, не падобная нi на якую iншую — гэта факт. Гэта больш спакойная, удумлiвая моладзь, гэта адукаваныя, гордыя, перш за ўсё за сваю краiну, людзi. Яны — дастойныя наследнiкi сваiх бацькоў», — дадаў беларускi лiдар.

Аляксандр Лукашэнка ў сваёй прамове закрануў актуальную тэму паставак у краiну энергарэсурсаў i захавання Беларуссю незалежнасцi.

Прэзiдэнт адзначыў: «Мы добра ведаем, чаго хочуць ад нас працiўнiкi, мы цяпер ведаем i цану таго, чаго хочуць ад нас сябры».

«Хачу ў гэтым храме сказаць наступнае: не мы былi iнiцыятарамi развалу Савецкага Саюза. Не мы беглi наперадзе i крычалi: дайце нам суверэнную i незалежную Беларусь. Але калi ўжо так здарылася, i мы былi «выкiнуты» з той краiны, у сярэдзiне 1990-х, калi было неймаверна цяжка, калi i есцi не было чаго, калi людзi былi гатовыя працаваць, але работы не было i зарабiць не было чаго, мы былi пакiнуты на скрыжаваннi дарог. I мы выбралi адну дарогу, свой лёс i заявiлi, што будзем будаваць сваю дзяржаву i як бы нi было цяжка, будзем iсцi выбраным шляхам. З намi тады, напэўна, быў Бог. Таму што лiтаральна за 10 гадоў нам удалося падняцца з каленяў. Я не хачу сказаць, што мы вырашылi ўсе праблемы — гэта немагчыма ў такiх умовах. Але мы нi ў кога нiчога не прасiлi. I кожны год, прыходзячы ў храм, я гаварыў: толькi самi — не трэба нi на каго спадзявацца, нi на сяброў, нi на працiўнiкаў», — падкрэслiў Прэзiдэнт.

«Я нiдзе нiколi не гаварыў, што мы сваю краiну некаму аддадзiм на разарванне. Я нiдзе нiколi не гаварыў, што мы Беларусь аддадзiм у склад нейкай iншай краiны. Але я заўсёды заклiкаў да саюза дзяржаў, асаблiва з брацкiмi народамi, якiмi з’яўляюцца рускi, украiнскi. Я заўсёды заклiкаў жыць у дружбе з суседнiмi дзяржавамi. I саюз — гэта толькi той саюз, калi ён будуецца на раўнапраўнай аснове», — заявiў Аляксандр Лукашэнка.

Прэзiдэнт асаблiва падкрэслiў, што «суверэнiтэт i незалежнасць не прадаюцца нi за якi прыродны газ, нi за якую нафту». «Гэта вельмi дарагая рэч, каб ёю гандляваць. I яњњ’як кiраўнiк дзяржавы нiколi не пасмеў бы гэта зрабiць, таму што ведаю наступствы ўсяго гэтага. Як бы нам нi было цяжка, нам трэба навучыцца жыць на сваiм кавалку зямлi i берагчы яго. Можа, не столькi для нас, колькi для нашых дзяцей», — дадаў ён.

На думку Прэзiдэнта, суверэнiтэт i незалежнасць — гэта святое, як i пастулаты, якiя прапаведуе Хрысцiянства.

«Мы — горды народ. Абараняючы нашы агульныя каштоўнасцi ў гады Другой сусветнай вайны, мы страцiлi каля трэцi насельнiцтва i толькi зусiм нядаўна дасягнулi даваеннай колькасцi. Нам гэта няпроста далося. Наша краiна была ў руiнах. Наш народ нiколi не меў адпачынку i перадышкi, ён заслужыў нармальныя адносiны i павагу да сябе. Як першы кiраўнiк беларускай дзяржавы я не магу дазволiць камусьцi забыць аб гэтым», — сказаў Аляксандр Лукашэнка.

Прэзiдэнт асаблiва падкрэслiў, што беларусы «вытрымаюць любыя нападкi i нацiск». «Мы нiколi не дазволiм здзекавацца з сябе», — заявiў ён.

«Але праўда i ў тым, што нам трэба навучыцца жыць беражлiва. Сярод нас ёсць i тыя, хто не задумваецца аб тым, колькi каштуе электраэнергiя, палiва i iншае, з чым мы сутыкаемся ў быце. А гэта важна. Таму што мы не валодаем такiмi рэсурсамi, якiмi валодаюць iншыя. I гэтыя рэсурсы не могуць быць сродкам шантажу нашага народа. Таму я так катэгарычна абараняю iнтарэсы беларускай дзяржавы. I мы гэта робiм законна i цывiлiзавана», — падкрэслiў Прэзiдэнт.

«Запомнiце галоўнае: колькi будзе маiх сiл i сiл ва ўрада, мы будзем абараняць тыя заваёвы, якiя сёння маем. Але зайздрасць — страшная рэч. Сяму-таму карцiць з-за зайздрасцi, што мы, не маючы тых багаццяў, прывялi краiну ў парадак за кароткi прамежак часу. Некаму хочацца апусцiць Беларусь да таго ўзроўню, з якога мы выходзiлi. Гэтага нiколi не будзе. Мы ўсё пераадолеем», — заявiў кiраўнiк дзяржавы.

Беларусы, перакананы Прэзiдэнт, не адчуюць той напружанасцi, што складваецца ў сувязi з некаторымi эканамiчнымi пытаннямi. «Мы поўныя рашучасцi пераадолець тыя праблемы, якiя стаяць перад намi. Вы павiнны помнiць, што я заўсёды буду жыць вашымi пытаннямi, праблемамi i iнтарэсамi. I як бы нi было складана, я заўсёды буду побач з вамi i буду гаварыць вам праўду, якая вельмi коле вочы тым, хто спрабуе нас «пастроiць», «прыструнiць». Гэтага я таксама не магу дазволiць, таму што я прадстаўляю горды, свабодалюбны i незалежны народ», — дадаў беларускi лiдар.

Аляксандр Лукашэнка выказаў перакананасць, што ў Беларусi «будзе ўсё нармальна».

Кiраўнiк дзяржавы пажадаў усiм беларусам шчасця i здароўя.

Мiтрапалiт Мiнскi i Слуцкi Фiларэт, Патрыяршы Экзарх усяе Беларусi падзякаваў Прэзiдэнту за ўвагу да царквы i праблем, якiя хвалююць беларускае грамадства.

У той жа дзень Аляксандр Лукашэнка сустрэўся з намеснiкам старшынi праўлення ААТ «Газпрам», генеральным дырэктарам «Газпрамэкспарт» Аляксандрам Мядзведзевым па просьбе расiйскага госця.

На сустрэчы абмеркаваны некаторыя актуальныя пытаннi беларуска-расiйскага ўзаемадзеяння ў энергетычнай сферы.

Прэс-служба Прэзiдэнта Рэспублiкi Беларусь.