Наталля ПЯТКЕВIЧ: «Аўтарытэт ААН не павiнен выкарыстоўвацца для аказання палiтычнага цiску на сувер

Источник материала:

«Мы зыходзiм з таго, што аўтарытэт ААН не можа i не павiнен выкарыстоўвацца для аказання палiтычнага цiску на суверэнныя дзяржавы пад надуманай нагодай невыканання правоў чалавека. Гэта супярэчыць прыродзе гэтай унiверсальнай i паважанай мiжнароднай арганiзацыi, — заявiла Наталля Пяткевiч на пленарным пасяджэннi сесii ГА ААН. — На жаль, менавiта такiя метады выкарыстоўваюцца ў адносiнах да Рэспублiкi Беларусь». Паводле слоў прадстаўнiка Беларусi, «дубiнай можна забiць, але не вылечыць».

Рэзалюцыя «Сiтуацыя з правамi чалавека ў Беларусi» з’яўляецца нiчым iншым, як навязваннем яе аўтарамi мiжнароднай супольнасцi сваёй аднабаковай негатыўнай ацэнкi ўнутранай i знешняй палiтыкi Беларусi. «Менавiта палiтыкi, — падкрэслiла Наталля Пяткевiч, — бо з сiтуацыяй у сферы правоў чалавека рэзалюцыя не мае нiчога агульнага».

Натуральна, сярод абвiнавачванняў у адрас Беларусi аўтары рэзалюцыi не прыдумалi нiчога новага: яны даўно выкарыстоўваюцца ў двухбаковых адносiнах i ў рамках рэгiянальных арганiзацый. Непакоiць тое, што цяпер у гэту агрэсiўную прапагандысцкую кампанiю па дыскрэдытацыi ўрада i народа Беларусi iмкнуцца ўцягнуць Генеральную Асамблею ААН.

Як адзначыла прадстаўнiк Беларусi, рэзалюцыя не стварае для Беларусi нi палiтычных, нi iншых абавязацельстваў. «Мы раcцэньваем гэты дакумент як лiстоўку, падрыхтаваную для выкарыстання ў прапагандысцкай антыбеларускай кампанii», — заявiла Наталля Пяткевiч.

Адметна, што вынiкi галасавання сведчаць пра тое, што меркаванне складальнiкаў гэтай «лiстоўкi» не адлюстроўвае пазiцыю мiжнароднай супольнасцi. Большасць членаў ААН не паверылi галаслоўным абвiнавачванням i не падпiсалiся пад неабгрунтаванымi i неадэкватнымi патрабаваннямi.

Як запэўнiла Наталля Пяткевiч, прыняцце рэзалюцыi не акажа негатыўнага ўплыву на супрацоўнiцтва Беларусi з механiзмамi ААН па абароне правоў чалавека. «Беларусь будзе развiваць такое супрацоўнiцтва i працягваць уносiць пасiльны ўклад у дзейнасць Генеральнай Асамблеi, Савета па правах чалавека i iншых органаў ААН па заахвочванню i абароне правоў чалавека ва ўсiх краiнах», — падкрэслiла прадстаўнiк Беларусi.

Наталля Пяткевiч таксама нагадала ЗША i Вялiкабрытанii, якiя з’яўляюцца сааўтарамi Мемарандума аб гарантыях у сувязi з далучэннем Рэспублiкi Беларусь да дагавора аб нераспаўсюджаннi ядзернай зброi, што, згодна з падпiсаным у 1994 годзе дакументам, яны абавязалiся ўстрымлiвацца ад эканамiчнага прымушэння, накiраванага на тое, каб падначалiць краiну сваiм уласным iнтарэсам.