Лiстоўка — не чалавек, з ёю не пагаворыш

Источник материала:

ПАДВОДЗІМ ВЫНІКІ

А як у iншых акругах? Людзi, з якiмi мы абмянялiся думкамi на шэрагу выбарчых участкаў абласнога цэнтра, былi настроены па-рознаму. Некаторыя ведалi кандыдата па ранейшай, даволi актыўнай працы ў Савеце i таму не сумнявалiся, каму аддаць перавагу. Iншыя казалi, што ў iх была магчымасць сустрэцца з прэтэндэнтам на дэпутацкi мандат альбо яго даверанай асобай. Аднак пэўная частка выбаршчыкаў, як i ў выпадку з нашым домам, так i не адчула, што кандыдаты ў дэпутаты надта перажываюць за iх галасы. У такой сiтуацыi асабiста мой выбар грунтаваўся на тым, што аднаго з кандыдатаў я ведаў як кiраўнiка, прафесiянала ў сваёй галiне i нават браў у яго iнтэрв’ю. Не выключана, што яго канкурэнт быў бы больш актыўны менавiта ў дэпутацкай дзейнасцi, але ў iмкненнi пераканаць у гэтым выбаршчыкаў ён заўважаны не быў.

У цэлым жа, на думку старшынi абласной выбарчай камiсii Леанiда Лучыны, вынiкi выбараў сведчаць, што жыхары Гродзеншчыны давяраюць мясцовай уладзе, паколькi бачаць перамены да лепшага ў эканомiцы, клопат аб людзях. Выбары прайшлi арганiзавана, з высокай актыўнасцю выбаршчыкаў. Сфармiраваны ўсе мясцовыя Саветы дэпутатаў, у пяцi выбарчых акругах павiнны адбыцца паўторныя выбары. Пры гэтым сярод народных выбраннiкаў шмат людзей i з вопытам дэпутацкай работы, i навiчкоў. Што ж датычыцца парушэнняў падчас галасавання, то iх, адзначыў Леанiд Лучына, практычна не было. Паводле яго iнфармацыi, пэўныя праблемы ўзнiклi на двух выбарчых участках у Гродне, аднак абласная выбарчая камiсiя адрэагавала хутка i пасля адпаведных тлумачэнняў прэтэнзii былi знятыя.

Барыс ПРАКОПЧЫК.

«ЗНЯЛI» СЯБЕ САМI

Аб актыўнасцi на выбарчых участках Гомельшчыны сведчаць наступныя лiчбы i факты. У папярэднiм галасаваннi прыняло ўдзел крыху менш за адну трэць выбаршчыкаў, што з’яўляецца самым высокiм паказчыкам сярод iншых абласцей рэспублiкi. У нядзелю, 14 студзеня, у 14 гадзiн ужо стала вядома, што выбары ў мясцовыя Саветы па Гомельшчыне адбылiся — на гэты час прагаласавала ўжо больш за пяцьдзесят працэнтаў выбаршчыкаў.

— А сёння мы канстатуем, — сказаў намеснiк старшынi абласной камiсii па выбарах у мясцовыя Саветы дэпутатаў Аляксандр Усаў, — што ўдзел у выбарах прынялi 83,1 працэнта электарату, i гэта амаль на дзесяць працэнтаў вышэй, чым у папярэднiх выбарах 2003 года. Найбольшая актыўнасць назiралася ў Нараўлянскiм, Кармянскiм i Лельчыцкiм раёнах: адпаведна 98,7, 98,4 i 98,2 працэнта, а меншая — у абласным цэнтры — 71,1 працэнта, што таксама няблага.

На момант падлiку галасоў (паўтараем, што мы гаворым аб папярэднiх вынiках) не былi выбраны дэпутаты па чатырох акругах — два ў раённыя Саветы i два ў сельскiя. Для параўнання: у выбарах 2003 года «не прайшлi» 62 дэпутаты.

Прадстаўнiкi ж апазiцыйных партый сёлета самi знялi свае кандыдатуры, бо, як выразiўся Аляксандр Усаў, у мясцовых Саветах трэба працаваць i трымаць справаздачы перад выбаршчыкамi аб сваёй канкрэтнай дзейнасцi.

Уладзiмiр ПЕРНIКАЎ.