У Беларусi ў 2006 годзе выкананы ўсе асноўныя паказчыкi грашова-крэдытнай палiтыкi

Источник материала:

У прыватнасцi, у 2006 годзе ў краiне забяспечана стабiльнасць цэн i нацыянальнай валюты. На працягу мiнулага года курс беларускага рубля адносна долара ЗША ўмацаваўся на 0,6 працэнта. Таксама стабiльнай была сiтуацыя i адносна iншых замежных валют. Пётр Пракаповiч паведамiў кiраўнiку дзяржавы аб вынiках рэалiзацыi крэдытнай палiтыкi Нацыянальнага банка Рэспублiкi Беларусь у 2006 годзе. У цэлым аб’ём крэдытаў, прадастаўленых рэальнаму сектару эканомiкi, павялiчыўся за год на 57,2 працэнта. У сярэднiм тэмпы росту крэдытаў банкаў у 2006 годзе ў рэальным выражэннi былi ў 3 разы вышэйшыя, чым тэмпы росту ВУП.

Iнвестыцыйныя, доўгатэрмiновыя крэдыты банкаў за мiнулы год павялiчылiся ў 1,6 раза, льготныя крэдыты на будаўнiцтва жылля — у 1,64 раза, крэдыты на будаўнiцтва i куплю жылля, што прадастаўляюцца на агульных падставах, — у 1,5 раза, крэдытная падтрымка сельскай гаспадаркі — у 1,6 раза, спажывецкiя крэдыты — у 1,93 раза, крэдыты для прадпрымальнiкаў — больш як у 2 разы. Гэта садзейнiчала паспяховай рабоце эканомiкi краiны ў 2006 годзе.

Паводле слоў Пятра Пракаповiча, у цэлым 2006 год быў вельмi паспяховы як для банкаўскай сiстэмы, так i для насельнiцтва, рэальныя даходы якога раслi ў 2 разы хутчэй, чым было запланавана.

Кiраўнiк дзяржавы паставiў задачу забяспечыць i ў гэтым годзе выкананне ўсiх прагнозных паказчыкаў, даведзеных банкаўскаму сектару рэспублiкi, адзначылi ў прэс-службе.

Паводле паведамленняў прэс-службы Прэзiдэнта Рэспублiкi Беларусь і БЕЛТА.