«Юбiлейная». Сёмы тыраж. Упершыню галоўны прыз — 20 мiльёнаў!

Источник материала:

Заснавальнiкам гэтай латарэi з’яўляецца Мiнiстэрства гандлю. Праводзiцца яна па ўсёй краiне з мэтай атрымання дадатковых сродкаў на развiццё фiзкультуры i спорту, у тым лiку алiмпiйскага руху, лiквiдацыю наступстваў аварый i стыхiйных бедстваў, аказанне дапамогi малазабяспечаным грамадзянам, ахову навакольнага асяроддзя, гiстарычных i культурных каштоўнасцяў. Дагэтуль максiмальны прыз складаў 10 мiльёнаў рублёў, аднак у апошнiм тыражы ён быў павялiчаны ўдвая.

— Да новага года прафсаюз вырашыў зрабiць нам падарунак: набыў 1000 бiлетаў латарэi i падарыў кожнаму работнiку па шэсць з iх. Адзiн з iх i аказаўся шчаслiвым, — прыгадвае Iрына Васiльеўна. — Дагэтуль я нiколi нiчога не выйгравала. Гэта мой першы вялiкi прыз у жыццi.

Як уладальнiца прыза плануе паступiць з грашыма? Iрына Васiльеўна смяецца, што пакуль не патрымала выйгрыш у руках, яшчэ канчаткова не вызначылася.

«А калi сур’ёзна, дык у мяне два сыны, якiя служаць у сiстэме МУС — капiтан i маёр. Жывуць з сем’ямi ў аднапакаёвых кватэрах, маюць дзетак. Магчыма, калi надумаюць будаваць жыллё, грошы пойдуць на выплату першых узносаў. Хоць старэйшы сын мне сказаў: «Не, мама, раз табе так пашчасцiла ў жыццi, з’ездзi куды, свет паглядзi».

Дарэчы, Iрына Шулякоўская ўжо шмат дзе пабывала: у Аўстралii, Новай Зеландыi, Кiтаi. «Але ў Парыжы яшчэ не была, у Iталii не была», — смяецца Iрына Васiльеўна. Мары збываюцца, заўважыў ёй падчас уручэння сертыфiката на 20 мiльёнаў рублёў (на здымку) намеснiк мiнiстра гандлю Вячаслаў Драгун. А чаму б i не?!