Слова было i словы будуць

Источник материала:

Ларыса ЦIМОШЫК

Гэта быў надзвычай незвычайны конкурс для газет — на лепшае асвятленне гiсторыi i сучаснасцi беларускага праваслаўя — i «Звязда» аказалася на вышынi. Журналiстка Вольга Мядзведзева стала яго пераможцам дзякуючы сваiм артыкулам, якiя заўсёды поўныя глыбiнi i духоўнасцi. I ў яе працы не было нiчога штучнага: Вольга пiша пра тыя з’явы i падзеi, якiя яе саму кранаюць, i даносiць тыя думкi, якiя падзяляе сама, з якiмi жыве i выхоўвае сваiх траiх дзяцей. Таму што духоўнасць у журналiстыцы немагчыма вымераць колькасцю публiкацый цi слоў у iх. Але само слова, дадзенае звыш, з’яўляецца нашай мiсiяй, якая можа скiроўваць людзей да прымiрэння i несцi iм самыя светлыя пачуццi i думкi.

Гэты конкурс заснавалi разам Мiнiстэрства iнфармацыi i Беларуская праваслаўная царква — дзеля развiцця духоўных каштоўнасцяў i iдэалаў беларускага народа, — сказаў міністр інфармацыі Беларусі Уладзімір РУСАКЕВІЧ. Праўда, рашылiся яго правесцi толькi праз тры гады пасля таго, як было заключана пагадненне аб супрацоўнiцтве памiж мiнiстэрствам i Царквой — была частка людзей у грамадстве, якiя скептычна ставiлiся да гэтай iдэi. Але гады паказалi, наколькi гэта добрая справа. Мiтрапалiт Мiнскi i Слуцкi Фiларэт, вiтаючы пераможцаў, падкрэслiў: «Тэма духоўнага адраджэння беларускага народа — адна з тых, якiя найбольш асвятляюцца. Гэта не застаецца незаўважаным. Але мы не павiнны задавольвацца тым, чаго дасягнулi. Таму што маем справу з выключна крохкiм матэрыялам — чалавечымi душамi. Менавiта таму навык гаварыць пра царкву сучаснай мовай важны не толькi для святароў, але i для журналiстаў, якiя выходзяць на шырокую аўдыторыю. Духоўная гiсторыя нашай краiны мала вывучана, поле для дзейнасцi тут вялiкае. I мы настроены на далейшае, больш шырокае супрацоўнiцтва».