Права на дапамогу

Источник материала:

Н.Ф., Брэсцкая вобласць.

Кодэксам Рэспублiкi Беларусь аб шлюбе i сям’i ўстаноўлена, што муж i жонка абавязаны матэрыяльна падтрымлiваць адно аднаго. Права непрацаздольнай жонкi, якая мае патрэбу ў матэрыяльнай дапамозе, на атрыманне такой дапамогi ад мужа, якi валодае неабходнымi для гэтага сродкамi, згодна з артыкулам 30 Кодэкса захоўваецца i пасля скасавання шлюбу, калi яна стала непрацаздольнай да скасавання шлюбу або на працягу аднаго года пасля яго скасавання. Такое ж права мае i муж, калi трапiць у падобнае становiшча.

Такiм чынам, паколькi вы сталi непрацаздольнай да скасавання шлюбу, то незалежна ад таго, колькi часу прайшло пасля гэтага, вы можаце патрабаваць ад былога мужа матэрыяльную падтрымку пры ўмове, што вы маеце ў ёй патрэбу, а былы муж мае магчымасць яе аказваць. Пры недасягненнi памiж вамi згоды па дапамогу па гэтаму пытанню патрэбна звяртацца ў суд, якi вызначыць сваiм рашэннем памер сродкаў на ваша ўтрыманне пры наяўнасцi падстаў для iх спагнання з былога мужа, зыходзячы з матэрыяльнага i сямейнага становiшча абодвух бакоў.

Суду прадастаўлена права вызвалiць мужа (жонку) ад абавязку па ўтрыманню непрацаздольнай жонкi (мужа) або абмежаваць гэты абавязак пэўным тэрмiнам згодна з артыкулам 32 Кодэкса ў выпадках, напрыклад, амаральных, ганебных паводзiнаў таго, хто патрабуе выплаты дапамогi, або непрацягласцi тэрмiну iх шлюбу.

Права жонкi або мужа на атрыманне матэрыяльнай дапамогi ад другой палавiны страчваецца, калi адпалi падставы для яе назначэння (напрыклад, была знята iнвалiднасць, матэрыяльнае становiшча выправiлася за кошт iншых крынiц, або той, хто плацiў сродкi на ўтрыманне, сам трапiў у цяжкае матэрыяльнае становiшча), а таксама калi разведзеная жонка (муж), якая атрымлiвала сродкi на ўтрыманне, уступiла ў новы шлюб.

Артыкулам 82 Кодэкса РБ аб шлюбе i сям’i ўстаноўлена, што бацькi, якiя пазбаўлены бацькоўскiх правоў, страчваюць усе правы, што заснаваны на факце сваяцтва з дзiцем, у адносiнах да якога яны былi пазбаўлены бацькоўскiх правоў, у тым лiку i права на атрыманне дапамогi ад яго, права на пенсiйнае забеспячэнне пасля смерцi дзiцяцi i права спадчыннасцi па закону. Аднак, як устаноўлена часткай трэцяй гэтага артыкула, пазбаўленне бацькоўскiх правоў не вызваляе бацькоў ад абавязкаў па ўтрыманню дзяцей. Што разумеецца пад абавязкамi бацькоў па ўтрыманню дзяцей, растлумачвае артыкул 91 Кодэкса РБ аб шлюбе i сям’i.

Згодна з гэтым артыкулам, бацькi абавязаны ўтрымлiваць сваiх непаўналетнiх i маючых патрэбу ў дапамозе непрацаздольных паўналетнiх дзяцей. Гэта значыць, што паўналетнiя дзецi могуць разлiчваць на атрыманне дапамогi ад бацькоў толькi ў выпадку сваёй непрацаздольнасцi. Неабходнасць працягваць вучобу да такiх выпадкаў не адносiцца.

У выпадку, калi бацькi ўхiляюцца ад абавязкаў па ўтрыманню сваiх непаўналетнiх дзяцей, сродкi на гэта спаганяюцца з iх у судовым парадку. Паколькi судовае рашэнне аб спагнаннi алiментаў на дачку ў вас, напэўна, ёсць, толькi былы муж дрэнна яго выконваў, за што i быў пазбаўлены бацькоўскiх правоў, то пакуль дачцэ не споўнiлася васемнаццаць гадоў, вам патрэбна звярнуцца да судовага выканаўцы.