Главная
Гороскопы
Каб устанавiць тэлефон, трэба пракладваць кабель. А гэта паслуга платная
У 1945 годзе я быў узнагароджаны медалём «За доблесную працу ў Вялiкай Айчыннай вайне 1941—1945 гг.». Насiў яго на працу, нават спаў з iм, але потым па маладосцi згубiў. Прашу дапамагчы адшукаць медаль, знайсцi архiўныя дакументы. Мне вельмi баляць суставы ног i хадзiць да суседзяў да тэлефона я не магу. Я чуў па радыё, што хто мае працоўны медаль, таму тэлефон устанаўлiваюць па-за чаргой. Я тэлефанаваў у Беразiно, але там на мой запыт — нуль увагi, маўляў, няма нiякiх даных.
Станiслаў Аляксандравiч Скуратовiч, в. Клёнаўка Бярэзiнскага раёна. Што датычыцца пытання Станiслава Аляксандравiча адносна медаля, як мы ўжо раней неаднойчы адказвалi на аналагiчныя запыты чытачоў, адшукаць яго будзе даволi праблематычна. Дакладней, гаворку трэба весцi нават не пра сам медаль, i нават не пра яго дублiкат — усё ж гэта ўзнагарода ўжо неiснуючай краiны, да таго ж уручалася яна больш за 60 гадоў таму. У лепшым выпадку можна будзе пацвердзiць толькi факт узнагароджання, калi захавалiся адпаведныя спiсы. Думаем, што для чытача справа не столькi ў самiм медалi, колькi ў пэўных iльготах, якiя ён плануе скарыстаць — устанавiць тэлефон. — Ваш заяўнiк з’яўляецца ветэранам працы. Адна з iльгот для гэтай катэгорыi грамадзян — першачарговая ўстаноўка кватэрнага тэлефона, — патлумачыла нам начальнiк упраўлення па працы i сацыяльнай абароне Бярэзiнскага райвыканкама Вольга Пашкевiч. — З 1997 года ў чарзе на яго ўстаноўку стаяла жонка Скуратовiча, аднак яна пайшла з жыцця. Чарга перайшла на самога заяўнiка. Але тэлефон немагчыма было яму ўстанавiць па iншых прычынах. Суседзi адмовiлiся запаралелiць свае лiнii з iм. А каб працягнуць ад АТС у суседняй вёсцы Котава да вёскi Клёнаўка, дзе жыве Станiслаў Аляксандравiч, новую лiнiю, трэба пракласцi больш за два кiламетры кабелю. Свабодны нумар, дарэчы, сувязiсты ўжо знайшлi. Але паслуга гэта платная, каштуе 1 мiльён 300 тысяч рублёў... Як паведамiла раней Вольга Уладзiмiраўна, да заяўнiка асабiста выязджаў начальнiк раённага вузла электрасувязi. На платную ўстаноўку тэлефона Станiслаў Аляксандравiч адразу згоды не даў, абяцаў падумаць. Канешне, для аднаго чалавека названая сума з’яўляецца даволi вялiкай. Але ў вёсцы пражывае толькi каля 30 чалавек. Хто мае тэлефон, каму, магчыма, ён не вельмi патрэбны, таму на дадзены момант толькi самому заяўнiку вырашаць — плацiць або не за ўстаноўку кватэрнага тэлефона. На жаль, нiякiх iншых iльгот, якiя б дапамаглi знiзiць кошт гэтай працэдуры, у яго няма...
Чтобы разместить новость на сайте или в блоге скопируйте код:
На вашем ресурсе это будет выглядеть так
У 1945 годзе я быў узнагароджаны медалём «За доблесную працу ў Вялiкай Айчыннай вайне 1941—1945 гг.». Насiў яго на працу, нават спаў з iм, але потым п |
|