Главная
Гороскопы
Продаж пустых участкаў на другасным рынку зямлi забаронены канчаткова
Сяргей КУРКАЧ
На слыху Аб гэтым у рэдакцыi газеты «Звязды» падчас «прамой лiнii» паведамiў старшыня Дзяржаўнага камiтэта па маёмасцi Георгiй Кузняцоў.Справа ў тым, што гэтая норма закона пачала дзейнiчаць з першых дзён 2007 года, згодна з Указам Прэзiдэнта ад 28 студзеня 2006 года № 58 «Аб некаторых пытаннях адабрання i прадастаўлення зямельных участкаў». Аднак рэдакцыя выдання на працягу амаль двух тыдняў атрымлiвала звароты сваiх чытачоў аб тым, што магчыма хутка ўласнiкам такой зямлi зноў дазволяць прадаваць пустыя зямельныя ўчасткi на другасным рынку зямлi. Георгiй Iванавiч запэўнiў нашых падпiсчыкаў, што меркаваннi на гэты конт з’яўляюцца толькi чуткамi. Зараз пустыя зямельныя ўчасткi, або з незавершаных будаўнiцтвам аб’ектамi, якiя былi дадзены фiзiчным асобам для будаўнiцтва i абслугоўвання жылога дома i дачы, прадавацца на другасным рынку зямлi ўжо не будуць. Георгiй Кузняцоў адзначыў, што дадзеная забарона не датычыцца зямельных участкаў, якiя былi выдадзены грамадзянам для вядзення садаводства i агароднiцтва. Старшыня камiтэта ўдакладнiў, што сёння ў Беларусi iснуе толькi 6 дачных пасёлкаў, якiя размешчаны ў сталiчным рэгiёне, а так званыя ў народзе дачы цi «фазенды» вакол iншых гарадоў краiны з’яўляюцца домiкамi для адпачынку ў садоўнiцкiх кааператывах. Поўную справаздачу «прамой лiнii» з Георгiем Кузняцовым чакайце ў блiжэйшых нумарах.
Чтобы разместить новость на сайте или в блоге скопируйте код:
На вашем ресурсе это будет выглядеть так
Аб гэтым у рэдакцыi газеты «Звязды» падчас «прамой лiнii» паведамiў старшыня Дзяржаўнага камiтэта па маёмасцi Георгiй Кузняцоў
|
|