Кошт квiткоў у кiно большым не будзе

Источник материала:

Паводле слоў генеральнага дырэктара сталiчнага ўнiтарнага прадпрыемства «Кiнавiдэапракат» Васiля Коктыша, у 2005 годзе iх было 3,3 мiльёна.

— Леташнi поспех тлумачыцца тым, што мы паказалi рэкордную колькасць прэм’ераў мастацкiх стужак, iх было прадэманстравана ажно 299, а ў пазамiнулым годзе — 232, — адзначыў Васiль Коктыш.

Сёлета колькасць новых паказаў павялiчвацца не будзе. «Намаганнi трэба засяродзiць на дэманстрацыю найбольш значных фiльмаў, а таксама — на пачатак паказу стужак адначасова з сусветным пракатам», — расказаў спецыялiст.

— Наша мэта заключана ў паказе лепшых стужак. Вядома, што ўсё прапанаваць немагчыма, i таму мы пастаралiся не расчараваць гледача, таму што за iм застаецца права выбару. I гэтае права мы забяспечылi, — патлумачыў генеральны дырэктар УП «Кiнавiдэапракат».

А вось кошт квiткоў застаецца нiзкiм, i гэта адно з самых значных дасягненняў. «Кiно павiнна быць даступным для ўсiх катэгорый насельнiцтва. I мы будзем прытрымлiвацца гэтай палiтыкi i ў далейшым», — падкрэслiў Васiль Коктыш.