Адмiнiстрацыя Прэзiдэнта будзе праводзiць незапланаваныя праверкi выканання Дырэктывы № 2

Источник материала:

Як адзначыла Наталля Пяткевiч, Дырэктыва № 2 — гэта дакумент, накiраваны на пераадоленне фармалiзму, валакiты i таго негатыву, якi сустракаецца не толькi ў рабоце чыноўнiкаў. «З бюракратызмам кожны з нас часам сутыкаецца i ў хiмчыстцы, службе быту, калi чалавек на сваiм рабочым месцы неналежнай якасцю работы i не зусiм правiльнымi адносiнамi да людзей стварае гэтыя праблемы».

Нарматыўная база па пераадоленню вышэйназваных негатыўных з’яў ужо створана. На цяперашнi момант самае галоўнае — рэалiзацыя яе на практыцы. Аднак нiякiмi адмiнiстрацыйнымi метадамi не ўдасца выкаранiць гэты негатыў, калi «ўсе мы, усёй грамадой не пачнём ствараць спрыяльныя ўмовы для свайго ж уласнага жыцця», падкрэслiла Наталля Пяткевiч.

Работа па выкананню даручэння Прэзiдэнта Беларусi аб распрацоўцы Дырэктывы № 3 пачалася ўжо. Асноўныя яе палажэннi будуць аформлены на працягу аднаго-двух месяцаў, паведамiла Наталля Пяткевiч. Дырэктыва № 3 будзе прысвечана пытанням эканомii i беражлiвасцi, рацыянальнага выкарыстання прыроднага багацця i ўласнасцi. «Аднак не трэба разумець, што гэта пытанне было выклiкана павышэннем цэн на энерганосьбiты. Гэта той рэсурс, якi мы пакуль не задзейнiчалi, i той прынцып, паводле якога жыве ўвесь свет», — падкрэслiла Наталля Пяткевiч. На жаль, у нашай рэспублiцы, нават на бытавым узроўнi, iдзе неапраўданае расходаванне рэсурсаў у параўнаннi, напрыклад, з заходнiмi краiнамi. «Беражлiвасць, руплiвыя адносiны да дзяржаўнага таксама, як i да свайго ўласнага, дадуць каласальны эканамiчны эфект», — пераканана намеснiк кiраўнiка Адмiнiстрацыi Прэзiдэнта.