Падатковая льгота прадастаўляецца бацькам, а не сыну

Источник материала:

«Гарачы» тэлефон «Звязды» 287-17-41

Што датычыцца першага пытання заяўнiцы, як мы адразу i папярэджвалi жанчыну, яна нешта наблытала — нейкай асобнай шкалы падаходнага падатку ў дачыненнi да непаўналетнiх няма.

— Iншая справа, што работнiкам, якiя маюць утрыманцаў (выхоўваюць дзяцей), штомесяц прадастаўляецца падатковая льгота — вылiк на падатак. Калi сям’я поўная — па дзве базавыя велiчынi для бацькоў, для мацi-адзiночкi, удавы, напрыклад, — 4 базавыя велiчынi. Гэтыя сродкi не абкладаюцца падаткам, — патлумачыў нам начальнiк iнспекцыi МПЗ па Чачэрскаму раёну Аляксандр Герашчанка. — Дадзены вылiк павiнен прадастаўляецца па асноўным месцы працы бацькам, але нiяк не сыну. Калi ў заяўнiкаў узнiклi сумненнi, яны могуць падаць падатковую дэкларацыю ў нашу iнспекцыю — нават калi iншых прычын для такога кроку ў iх няма. Нашы спецыялiсты правераць усе падлiкi i вылiкi.

У пошуках адказу на другое пытанне спадарынi Бондаравай мы патэлефанавалi намеснiку начальнiка ўпраўлення сельскай гаспадаркi i харчавання Чачэрскага райвыканкама Пятру Новiкаву. Так супала, што якраз у гэты момант у яго ў кабiнеце знаходзiўся дырэктар прыватнага сельскагаспадарчага ўнiтарнага прадпрыемства «Колас-2003» Мiкалай Алiсейка. Менавiта тут пастухом i працуе сын жанчыны.

— Згодна з заканадаўствам, праца ў выхадныя днi аплачваецца ў двайным памеры. Гэта адназначна. За перапрацаваныя гадзiны даюцца адгулы. Iмi, дарэчы, нядаўна юнак скарыстаўся. Працоўны дзень яго доўжыцца з 7 да 14 гадзiн, увечары на працу выходзяць вартаўнiкi, — патлумачыў Мiкалай Рыгоравiч.

Тым не менш напрыканцы размовы мы дамовiлiся, што, вярнуўшыся ў гаспадарку, дырэктар возьме пад асабiсты кантроль працоўны графiк юнака.