Як не пракалоцца на пiрсiнгу

Источник материала:

Салон прыгажосцi

Назвы праколаў гавораць самi за сябе: Манро (штучная мушка справа), Мадонна (мушка злева), Мядуза (мушка па цэнтру пад носам).

Здавалася б, «прабурыць» на сабе лiшнiх дзiрак — шмат розуму не трэба, нават наогул не трэба (старэйшае пакаленне, магчыма, мае рацыю: дастаткова тых адтулiн, што прыродай нам дадзены). Прычым жа тут розум? Падобнымi «буравымi работамi» яшчэ ў Егiпце займалiся, iх таксама iндзейцы практыкавалi i мамзелi куртуазных эпох. Так што праколванне цела не заслуга прагрэсу. I тым не менш пiрсiнг усё-такi папулярны. Чаму?

Вiтаць, тайна тут у спрадвечным iмкненнi адрознiвацца ад астатнiх. Быць непадобным дорага каштуе. Выдзелiцца з агульнай масы — гэта не толькi прыемна, гэта бывае i карысна. А пiрсiнг гiстарычна быў менавiта знакам адрознення (у iндзейцаў праколатыя вушы — знак прывiлейнасцi, у рымскiх цэнтурыёнаў праколатыя саскi — знак мужнасцi i адвагi, у старажытных егiпцян праколатыя пупкi — знак вышэйшай касты i г. д.). Сёння гэта таксама знак адрознення, даступны тым, хто гэтага шчыра хоча. Галоўнае ў справе стварэння сваёй выключнасцi не перабраць.

ДУРШЛЯК ЗАКАЗВАЛI?

Хто з нас не палохаўся пры выглядзе паненак або маладых людзей, у якiх за пiрсiнгам не бачна твару? Iснуе ж i куды большая экзотыка. Напрыклад, брэйн-пiрсiнг — на патылiцы робяць дзiрку ў чэрапе i ўстаўляюць туды ўпрыгажэнне, каб яно закранала пэўныя «рэцэптары задавальнення». Ёсць вельмi балючы вертыкальны пiрсiнг носа: ад асновы носа (над верхняй губой) да яго кончыка i вушныя тунэлi (дзiркi, расцягнутыя на некалькi сантыметраў).

Але ж на тое i крайнасцi, каб памiж iмi аказвалася залатая сярэдзiна. Сярод найбольш эстэтычных i жаноцкiх месцаў для пiрсiнгу першае месца займае верхняя губа (вушы ў разлiк не бяром — гэта банальна). Чартоўскi сексапiльна: асаблiва пры выбары годнага ўпрыгажэння — вытанчанага, мiнiяцюрнага, але не пазбаўленага элементаў раскошы. Да ўсяго iншага, пракол губы — самы просты i небяспечны вiд пiрсiнгу (у губах няма буйных крывяносных сасудаў i складаных нервовых вузлоў).

На другiм месцы па прывабнасцi, прастаце i папулярнасцi — бровы. Пракол можа быць гарызантальным, вертыкальным i пад вуглом. Навiнка: «No eye Brow» — пiрсiнг пад знешнiм вуглом вока (на скуле), даволi складаны, таму што даводзiцца ўлiчваць асаблiвасцi мiмiкi.

Пiрсiнг пупка займае трэцяе месца ў рэйтынгу папулярнасцi, арыгiнальнасцi i прывабнасцi. Астатнiя праколы ўжо менш цiкавыя «фармальным» (у процiвагу «нефармальным») дамам.

Цяпер — аб важным. Нават самы просты пракол павiнен рабiць спецыялiст у стэрыльных умовах. У гэтым залог паспяховага зажыўлення праколу, адсутнасцi iнфекцый, пабочных эфектаў i непрыемных адчуванняў. Зразумела, што непрафесiйны пiрсiнг (якi пагражае заражэннем крывi, запаленнямi, адарваннем, свербам, ВIЧ-iнфекцыяй, СНIДам, гепатытам, шрамамi, келоiднымi рубцамi, алергiяй i г.д.) — не дня нас. Для нас — салоны прыгажосцi i пiрсiнг-студыi.

ВЫБIРАЕМ МАЙСТРА

Майце на ўвазе, не заўсёды ў чысценькiх i прыбраных салонах прыгажосцi пяшчотныя рукi дзяўчат правядуць працэдуру больш прафесiйна, чым татуiраваныя мужчынскiя далонi ў стыльных «месцах паломнiцтва» нефармальнай моладзi. Як нi дзiўна, менавiта там працуюць сертыфiкаваныя спецыялiсты Асацыяцыi прафесiйных пiрсераў Расii. Чысцiня ўстановы — палова справы (як i анестэзiя, што ўваходзiць у кошт працэдуры). Так што можна смела агледзецца i прыступiць да допыту.

1. Нельга аддавацца на раздзiранне «спецыялiста», калi ён прапаноўвае вам зрабiць пiрсiнг пiсталетам. Асацыяцыi пiрсераў па ўсiм свеце ўжо выказалiся на карысць забароны гэтага рассаднiку iнфекцый i цэнтру праблем.

2. Нельга таксама класцi бровы, губы, пупкi «на плаху» чалавеку, не гатоваму паказаць сертыфiкат, портфолiё, найбольш поўную iнфармацыю аб сваiм стажы працы, якi раздражняецца, калi яго просяць патлумачыць дэталi метаду стэрылiзацыi iнструментарыя перад аперацыяй, апiсаць асаблiвасцi iголак, паказаць сертыфiкат на ўпрыгажэннi i iх характарыстыку (з гарантыямi бяспекi металу). Калi ўлоўлiваецца адценне няўпэўненасцi — прэч ад такога «майстра».

У астатнiм жа — справа за малым. Неабходна праверыць, цi няма ў вас процiпаказанняў (абвастрэння якога-небудзь хранiчнага захворвання, наяўнасцi сiстэмных i скурных захворванняў, павышанай тэмпературы, дрэннага згусання крывi, алергii на анестэзiю або металы, эпiлепсii i псiхiчнага расстройства, менструацыi або цяжарнасцi, алкагольнага або iншага ап’янення), выбраць вiд праколу, падшукаць адэкватнае ўпрыгажэнне i настроiцца на доўгi догляд сябе.

ВЫБIРАЕМ УПРЫГАЖЭННЕ

Ва ўпрыгажэннях для пiрсiнгу куды важней не знешнi выгляд, а iх бяспека.

Скажам, цвiчок ад лабрэты (плешка з ножкай, на якую навiнчваецца шарык) або штангу (прамы стрыжань круглага сячэння, на якi з двух канцоў накручаны шарыкi) ад банана (як штанга, толькi стрыжань выгнуты) мы лёгка можам адрознiць i самi, калi нам iх будзе паказваць прадавец (тым больш што i майстар нас абавязкова пракансультуе на прыёме). А вось матэрыял, з якога выраблена ўпрыгажэнне, варта запомнiць добра: адразу пасля праколу лепш устаўляць тытан i яго разнавiднасцi (чорны — Blackline тм i залаты Zircon Gold тм), PTFE — упрыгажэннi з пластыку як разнавiднасць тэфлону, высакапробнае золата. Пазней можна ўстаўляць золата прасцейшае, хiрургiчную сталь з дапушчальным утрыманнем нiкелю, нiобiю (усё гэта ёсць у спецыялiзаваных лаўках).

Што ж да догляду, то важна памятаць: мяняць нашу «тытанiчную прыгажосць» (упрыгажэнне) можна толькi пасля поўнага зажыўлення (сярэднiя паказчыкi па твару — 1—2 тыднi, пупку — 1—6 месяцаў). А да гэтага яшчэ трэба быць уважлiвай, каб не нашкодзiць арганiзму.

Раяць не курыць, прытрымлiвацца дыеты (мiнус алкаголь, гарачае, салёнае, вострае, якiя ўтрымлiваюць фарбавальнiкi), два разы на дзень прамываць ад крывi i лiмфы ўпрыгажэнне i ранку растворам хлоргексiдыну або мiрамiстыну (брыво, пупок) або 3—55 разоў на дзень паласкаць рот растворамi, якiя ўтрымлiваюць злучэннi хлоргексiдыну (губа), не праварочваць упрыгажэннi.

Калi выконваць усе гэтыя правiлы — прыгажосць без ахвяраў забяспечана, што i патрабавалася даказаць.