Расiянам галандцы забiлi больш, чым нашым

Источник материала:

Спорт-тайм

Футбольная зборная Зiмбабве была вымушана адмовiцца ад таварыскай гульнi з Лесота, бо ў нацыянальнай федэрацыi не знайшлося сродкаў на паездку ў гэту краiну (патрэбна было 33 480 долараў). Астатнiя каманды правялi свае матчы. Цiкава, як згулялi сапернiкi нацыянальнай зборнай Беларусi па адборачнай групе на чэмпiянат Еўропы-2008: галандцы выйгралi ў расiян (4:1), румыны — у малдаван (2:0), славенцы — у эстонцаў (1:0), а балгары — у кiпрыётаў (3:0), албанцы прайгралi македонцам (0:1). Вынiкi iншых сустрэч: Узбекiстан — Азербайджан — 0:0, Венгрыя — Латвiя — 2:0, Мальта — Аўстрыя — 1:1, Грузiя — Турцыя — 1:0, Егiпет — Швецыя — 2:0, Германiя — Швейцарыя — 3:1, Харватыя — Нарвегiя — 2:1, Польшча — Славакiя — 2:2, Марока — Тунiс — 1:1, Бельгiя — Чэхiя — 0:2, Францыя — Аргенцiна — 0:1, Англiя — Iспанiя — 0:1.

НОВЫ СТАРЫ НАСТАЎНIК

Галоўным трэнерам брэсцкага гандбольнага клуба iмя Мяшкова зноў стаў Уладзiмiр Саўко, бо Анатоль Драчоў, якi ўзначалiў каманду ў канцы 2005 года, не можа працягваць працу па стану здароўя.

САМЫ БАГАТЫ КЛУБ СВЕТУ

Самым багатым футбольным клубам свету другi год запар прызнаны мадрыдскi «Рэал». Нездарма яго называюць «каралеўскi клуб». Даход iспанскай каманды ў сезоне 2005/2006 склаў 292, 2 мiльёна еўра. Другое месца — у «Барселоны», трэцяе — у турынскага «Ювентуса». Цiкава, што англiйскi «Манчэстар Юнайтэд», якi дзевяць гадоў знаходзiўся на вяршынi, толькi чацвёрты.

ГАМЯЛЬЧАНЕ «ПАРВАЛI» КАНАДЦАЎ

Напярэдаднi старту «Кубка Палесся» (першы мiжнародны турнiр па хакею з шайбай у Гомелi) мясцовая каманда выйграла ў таварыскай сустрэчы супраць аднаго з удзельнiкаў турнiру — уладальнiка Кубка Алана, «Паўэл Рывер Рэгалз», якi выступае ў горадзе над Сожам пад маркай зборнай Канады — 9:3.

ГЛЕБ ХУТКА БУДЗЕ Ў ФОРМЕ

Фрыстайлiст Дзмiтрый Рак пераведзены з рэанiмацыi ў аддзяленне неўралогii 5-й клiнiчнай бальнiцы Мiнска. Пакуль медыкi не могуць сказаць, колькi яшчэ працягнецца лячэнне спартсмена, якi быў цяжка траўмаваны ў Кiтаi. Тым часам беларускi футбалiст Аляксандр Глеб аднаўляецца пасля траўмы мышцы задняй паверхнi бядра хутчэй, чым прагназавалi спецыялiсты: у панядзелак ён далучыцца да трэнiровак каманды.

ШАТАКАНУ ПРЫСВЯЧАЕЦЦА

У мiнскiм Палацы культуры i спорту чыгуначнiкаў 10 лютага адбудзецца фестываль беларускага шатакана, якi прысвячаецца 15-годдзю беларускай федэрацыi шатакан каратэ-до. Удзельнiкамi мерапрыемства стануць 29 клубаў нашай краiны.

БЕЛАРУСЫ АДПРАВЯЦЦА Ў «ПАЎНОЧНЫ ЛЕС»

Беларускi экiпаж у саставе Сяргея Шкеля i Уладзiмiра Мотуза возьме ўдзел у мiжнародным турнiры — баха «Паўночны лес-2007». Гэты снежна-лядовы ралi-рэйд стартуе 23 лютага, у свята ўсiх мужчын, пад Санкт-Пецярбургам. Пасля таго, як беларусы пераадолелi ўвесь маршрут аўтамабiльнага марафону «Лiсабон-Дакар», гэтыя спаборнiцтвы iм, вiдавочна, пакажуцца раем.