Аб’ём прададзеных насельнiцтву залатых мерных злiткаў у студзенi павялiчыўся на 7,4 працэнта

Источник материала:

Злiткi выраблены з золата найвышэйшай пробы (999) намiналам 1, 5, 10, 20, 50, 100, 250, 500, 1000 грамаў. Цяпер у наяўнасцi ёсць злiткi ўсiх намiналаў. Найбольшай папулярнасцю сярод насельнiцтва карыстаюцца 5-грамовыя залатыя злiткi, якiх за мiнулы месяц было прададзена амаль трэць ад агульнай колькасцi. У студзенi было набыта 6 злiткаў па 1 кг i 1 — па 0,5 кг. Пры гэтым за мiнулы месяц банкамi назад выкуплена больш як 5,9 кг золата. Паводле даных на 6 лютага 2007 года, цана продажу 1-грамовага залатога злiтка склала Br60,89 тыс., злiтка 1 кг — каля Br46,92 млн.

Як паведамлялася БЕЛТА, з 14 красавiка 2005 года Нацбанк пачаў рэалiзацыю сярэбраных i плацiнавых мерных злiткаў. За студзень 2007 года насельнiцтвам набыта 55 плацiнавых злiткаў агульным аб’ёмам 1,05 кг. Цана продажу 5-грамовага плацiнавага злiтка на 6 лютага бягучага года склала Br458,67 тыс., злiтка 0,5 кг — Br42,27 млн. Аб’ём прададзеных за мiнулы месяц сярэбраных злiткаў склаў 46,6 кг (862 штукi). Найбольш папулярныя сярод насельнiцтва 10-грамовыя сярэбраныя злiткi, якiх за названы перыяд куплена 324 штукi.

Паводле даных на 6 лютага гэтага года, цана продажу 10-грамовага сярэбранага злiтка склала Br21,41 тыс., злiтка 1 кг — Br1,077 млн. Мерныя злiткi з каштоўных металаў даюць магчымасць насельнiцтву больш эфектыўна распараджацца сродкамi i застрахоўваць iх ад магчымых рызык.