Главная
Гороскопы
Вышываная кашуля — абярэг для ўладальнiка
Алена Казлова
Удзельнiцы этнастудыi славянскай моды «Отрада» Цэнтра творчасцi дзяцей i моладзi Ленiнскага раёна Бабруйска атрымалi падарункi ад Аляксандра Лукашэнкi. Лiст, букеты ружаў i чэшскiя чайныя сервiзы — гэта падзяка кiраўнiка дзяржавы за падарунак. Шэсць маладых жанчын на чале з кiраўнiком студыi Аленай Зюлкоўскай зрабiлi для Прэзiдэнта льняную кашулю i ўпрыгожылi яе вышыванкай у старадаўнiх беларускiх традыцыях.
Майстрыхi працавалi над кашуляй два месяцы. Яны набылi на Аршанскiм ільнокамбiнаце нефарбаванае льняное палатно i пашылi кашулю ўручную ў адпаведнасцi са старажытнымi правiламi. Потым упрыгожылi яе вышыўкай: у зялёным, чырвоным i карычневым колерах выканалi «крыжыкам» арнамент-абярэг. Гузiкi выразаў з елкi ўмелец з Жодзiна, а пояс з воўны ўручную выткала майстрыха з Касцюковiчаў. Кашуля атрымалася выдатная, але яе не ўдалося ўручыць Аляксандру Лукашэнку на «Дажынках» у Бабруйску. Таму ўдзельнiцы этнастудыi перадалi свой твор праз знаёмых у Мiнск i прыклалi да яго тлумачальны лiст. У iм жанчыны распавялi, што яны шылi i вышывалi кашулю з беларускiмi песнямi i добрымi пачуццямi, а таму яна павiнна надзейна абараняць свайго ўладальнiка. Як прызнаюцца ў цэнтры творчасцi, да канца яны i не верылi, што пасылка дойдзе да высокага адрасата. Тым не менш кiраўнiк дзяржавы атрымаў і ацанiў падарунак. Бабруйскiх майстрых неўзабаве запрасiлi ў гарвыканкам, дзе старшыня Магiлёўскага аблвыканкама ўручыў iм лiст i падарункi ад Аляксандра Лукашэнкi. Кiраўнiк дзяржавы пажадаў жанчынам, каб iх жыццё было такiм жа чыстым i цудоўным, як тое льняное палатно, з якога яны пашылi для яго кашулю.
Чтобы разместить новость на сайте или в блоге скопируйте код:
На вашем ресурсе это будет выглядеть так
Удзельнiцы этнастудыi славянскай моды «Отрада» Цэнтра творчасцi дзяцей i моладзi Ленiнскага раёна Бабруйска атрымалi падарункi ад Аляксандра Лукашэнкi |
|