Тэлефануйце — вам абавязкова дапамогуць

Источник материала:

Навіны сталіцы

Спецыялiсты тлумачаць гэта тым, што людзi сталi часцей звяртацца па спецыялiзаваную дапамогу. Да слова, з года ў год змяншаецца колькасць жадаючых звесцi рахункi з жыццём. Для рэспублiкi ў цэлым гэтая праблема надзвычай актуальная. З 1994 года самазабойствы — на чацвёртым месцы сярод прычын смерцi. Найбольш удалы рэгiён у гэтых адносiнах — Мiнск.

Суiцыдальная актыўнасць у сталiцы ў тры разы нiжэйшая, чым у iншых рэгiёнах краiны. Гэты поспех тлумачыцца найперш тым, што ў сталiцы функцыянуе гарадскi цэнтр памежных станаў. У яго ўваходзiць служба экстраннай псiхалагiчнай дапамогi (яе тэлефон даверу: для дарослага насельнiцтва — 290-44-44, для дзiцяча-падлеткавага — 215-00-00), сетка псiхатэрапеўтычных кабiнетаў i аддзяленняў, дзённы стацыянар.

Людмiла ПРЫХОДЗЬКА, «Мiнск—Навiны».

Мiнская дэмаграфiя

Колькасць насельнiцтва сталiцы да пачатку гэтага года перавысiла 1 мiльён 797 тысяч чалавек. Аб гэтым паведамляе Мiнскае гарадское ўпраўленне статыстыкi .

Самы населены раён горада — Фрунзенскi. У iм пражываюць 345 з паловай тысяч жыхароў. Самы малаколькасны — Партызанскi, тут жывуць 98 300 чалавек.

За 2006 год насельнiцтва сталiцы павялiчылася на 16 800 чалавек. На рост колькасцi насельнiцтва гараджан паўплывалi два фактары: мiграцыйныя працэсы (мiнчанамi сталi 15 800 чалавек) i натуральны прырост (каля тысячы чалавек). Летась на свет з’явiлiся 17 852 юныя мiнчанiны, што на 7,6 працэнта больш, чым у 2005 годзе. У той жа час колькасць памерлых зменшылася на 0,7 працэнта i склала 16 868 чалавек.

Аляксандр ЧАРНУШЭВIЧ, «Мiнск—Навiны».

У медалiстаў больш шанцаў

У сталiчных выпускнiкоў ёсць стымул скончыць школу з «серабром» або «золатам». Бо падчас маючай адбыцца ўступнай кампанii ў вышэйшыя i сярэднiя спецыяльныя ўстановы будзе ўлiчвацца сярэднi бал атэстата.

«Летась усяго 260 вучняў атрымалi «золата» i 66 — «серабро». У 2005-м медалi ўручылi 376 выдатнiкам, а тры гады таму — 477, — удакладнiла начальнiк аддзела дашкольнай i агульнай сярэдняй адукацыi Камiтэта па адукацыi Мiнгарвыканкама Таццяна Харужая. — Цяпер колькасць прэтэндэнтаў на медалi ўзрастае.

Старшакласнiкi стараюцца, каб у iх дзённiках былi толькi «дзевяткi» i «дзесяткi». Бо ў медалiстаў больш шанцаў стаць студэнтамi.

Галiна МАЛАХОЎСКАЯ, «Мiнск—Навiны».

16 741 — 6885 = ?

Летась вузамi Гiменея сябе звязалi 16 741 пара мiнчан, а 6885 пар скасавалi шлюб.

Прыкметна, што часцей за ўсё разводзяцца зусiм не маладыя муж i жонка, а якiя пражылi разам больш за дзесяць гадоў. У 2006 годзе адзнака ў пашпарце аб скасаваннi шлюбу з’явiлася больш чым у трох тысяч такiх пар.

На другiм месцы па колькасцi разводаў — муж i жонка, якiя пражылi ў шлюбе ад пяцi да дзесяцi гадоў (каля 1300 разводаў).

На трэцiм — муж i жонка, якiя пражылi разам ад трох да пяцi гадоў — больш як 770.

Ёсць i такiя сем’i, у якiх каханне не затрымалася i года. Больш за 150 пар летась разышлiся ў самым пачатку сямейнага жыцця.

Алеся ШАБАН, «Мiнск—Навiны».