«Валянцiнкi» для кумiраў

Источник материала:

— Мы з вялiкiм задавальненнем выконваем ролю паштальёна, — сказаў Першы сакратар ЦК БРСМ Леанiд Кавалёў, звяртаючыся да гасцей. — Хлопцы i дзяўчаты з усiх куткоў нашай краiны даслалi вам свае падарункi з пяшчотай i пажаданнямi. Нават тыя, хто не змог прыйсцi на ўручэнне, абавязкова атрымаюць свае «валянцiнкi» — мы даставiм iх адрасату.

Сярод кумiраў моладзi аказалiся: Максiм Мiрны, Сяргей Дарафееў, Наталля Радзiна, Палiна Смолава, Ларыса Грыбалёва, Святлана Бароўская, Аляксандр Цiхановiч i Ядвiга Паплаўская, Ксенiя Сiтнiк, група «Тяни-Толкай», Сяргей Мiнскi, Аляксей Хлястоў i iншыя.

— Любы знак увагi прыемны i асаблiва, калi ён зроблены рукамi, — казаў Сяргей Дарафееў. — Вялiкi дзякуй усiм тым, хто перадаў нам «валянцiнкi» за тое, што ўдзялiлi нам сваю ўвагу i час.

Знакамiтасцi гаварылi шмат прыемных слоў i пажаданняў у адрас не толькi сваiх паклоннiкаў, але i ўсiм людзям нашай краiны.

— У дзень, калi ўсе думаюць аб любовi, каханнi, — дадала Ларыса Грыбалёва, — зычыць можна толькi кахання i простых чалавечых i сямейных каштоўнасцяў. Калi добра на сэрцы, тады добра ўсюды, у тым лiку i на працы.

А вечарам на сталічнай плошчы Бангалор адбылася канцэртна-забаўляльная праграма. Маладыя людзі бралі ўдзел у конкурсе на самую цікавую снежную фігуру, танцавалі на дыскатэцы, слухалі канцэрт з удзелам зорак беларускай эстрады.