Камiтэт дзяржкантролю Беларусi ўзмоцнiць работу па выяўленню лжэпрадпрымальнiцкiх структур

Источник материала:

Зянон Ломаць расказаў аб вынiках работы Камiтэта дзяржкантролю за 2006 год. У прыватнасцi, у мiнулым годзе КДК было праведзена 12,9 тыс. праверак, у бюджэт дзяржавы паступiла Br319 млрд. У час даклада былi абазначаны асноўныя напрамкi дзейнасцi камiтэта на 2007 год. Прэзiдэнт чарговы раз падкрэслiў, што ў рабоце КДК пры правядзеннi праверак, перш за ўсё, трэба кiравацца прынцыпам справядлiвасцi. Паводле слоў Зянона Ломаця, у бягучым годзе камiтэт мае намер i ў далейшым праводзiць узмоцненыя праверкi выканання дзяржпраграм, у першую чаргу праграмы па iмпартазамяшчэнню. Асаблiвая ўвага будзе надавацца кантролю за эфектыўным выкарыстаннем бюджэтных сродкаў.

У першым паўгоддзi запланавана таксама правесцi комплексныя праверкi кожнай вобласцi рэспублiкi. Аляксандр Лукашэнка паставiў задачу, каб звесткi, атрыманыя ў вынiку гэтых праверак, былi даведзены да кiраўнiцтва ўсiх рэгiёнаў. Прэзiдэнт адобрыў правядзенне праверкi выкарыстання бюджэтных сродкаў у Мiнiстэрстве ўнутраных спраў. Цяпер вядзецца аналагiчная праверка Мiнiстэрства абароны.

Акрамя таго, Зянон Ломаць як сустаршыня беларуска-кiтайскай камiсii па гандлёва-эканамiчнаму супрацоўнiцтву праiнфармаваў кiраўнiка дзяржавы аб вынiках сваёй нядаўняй паездкi ў Кiтай.