Хроніка апошніх падзей

Источник материала:

Ваенная аперацыя ЗША супраць Iрана можа распачацца ў любую хвiлiну. Яна выходзiць далёка за межы знiшчэння цэляў, звязаных з ядзернай энергетыкай i зброяй масавага знiшчэння. Назапашанае ў рэгiёне звычайнае ўзбраенне дае прэзiдэнту ЗША Джорджу Бушу магчымасць на працягу некалькiх гадзiн знiшчыць палiтычную, эканамiчную i ваенную iнфраструктуру Iрана, паведамляе брытанскi часопiс Nеw Stаtеsmаn.

Паводле слоў крынiцы ў дыпламатычных колах, амерыканскiя вайскоўцы ўжо вызначылi магчымыя цэлi ў Iране. Як паведамiлi выданню на ўмовах ананiмнасцi брытанскiя ваенныя крынiцы, «амерыканскiя ваенныя пераключылiся на Iран» адразу пасля таго, як быў звергнуты рэжым Садама Хусейна ў Iраку. Аперацыя пад кодавай назвай «Iранская свабода» распрацоўвалася чатыры гады.

На сённяшнi дзень ЗША маюць у раёне Персiдскага залiва два авiяносцы, яшчэ тры-чатыры могуць быць задзейнiчаны ў атацы на Iран у любы момант. Кожны з iх нясе на сабе сотнi крылатых ракет. Адначасова ў рэзерве Пентагона знаходзяцца элiтныя часцi марской пяхоты, якiя выкарыстоўвалiся ў Iраку. ЗША валодаюць магчымасцю для паражэння на тэрыторыi Iрана да 10 тысяч асобных цэляў у ходзе аднаго налёту.

ПАЛОВА РАСIЯН НЕ ГАТОВА ВЫБIРАЦЬ ПРЭЗIДЭНТА-2008

Згодна з апытаннем, праведзеным «Левада-цэнтрам», расiяне чакаюць сiгналаў ад улады, як iм галасаваць, цi чакаюць убачыць сярод кандыдатаў знаёмыя iмёны.

У выпадку ўдзелу ў прэзiдэнцкай кампанii Уладзiмiра Пуцiна за яго гатовы аддаць галасы 34 працэнты расiян. На выбарах без Пуцiна лiдзiруюць Дзмiтрый Мядзведзеў i Сяргей Iваноў. У выпадку адсутнасцi названых асобаў у спiсах кандыдатаў, колькасць тых, хто будзе мець цяжкасцi з выбарам павялiчыцца да 53 працэнтаў, а колькасць тых, хто адмовiцца ад галасавання — да 22 працэнтаў. 38 працэнтаў апытаных заявiлi, што прагаласуюць за таго кандыдата, якога прапануе Уладзiмiр Пуцiн. Праўда тых, хто не ставiць свой выбар у залежнасць ад меркавання прэзiдэнта, не намнога менш — 32 працэнты. На просьбу ахарактарызаваць людзей з акружэння Пуцiна, большасць (56 працэнтаў) цi назвала iх «шэрымi» i пасiўнымi, цi не змагла адказаць.

ПАРЛАМЕНТ АРМЕНII АДОБРЫЎ УВЯДЗЕННЕ ДВАЙНОГА ГРАМАДЗЯНСТВА

Згодна з дакументам, грамадзяне рэспублiкi могуць атрымаць грамадзянства iншай краiны, што не прыводзiць да страты армянскага грамадзянства. Два грамадзянствы не могуць мець прэзiдэнт, дэпутаты Нацыянальнага сходу i суддзi Канстытуцыйнага суда.

У ЗША ВЫЖЫЛА НЕДАНОШАНАЯ ДЗЯЎЧЫНКА ВАГОЙ 280 ГРАМАЎ

Амiлiя Тэйлар з’явiлася на свет пасля ўсяго 22 тыдняў цяжарнасцi сваёй мацi i была крыху больш за аўтаручку.

Урачы ўсё ж здолелi яе выратаваць i называюць гэта цудам: шанцаў выжыць у немаўляцi вагой менш за 400 грамаў практычна няма. Зараз Амалiя важыць амаль два кiлаграмы i ўжо «падобная на сапраўднае дзiця».