Алею нельга перабраць

Источник материала:

Iнфарм-укол

Нельга забываць, што некаторыя з тлустых кiслот — лiналенавая, арахiдонавая — незаменныя, паколькi арганiзм не можа iх сiнтэзаваць, а атрымлiвае з раслiннай ежай. Па бiялагiчнаму ўздзеянню яны наблiжаюцца да вiтамiнаў (той жа вiтамiн F). Ненасычаныя тлустыя кiслоты фармiруюць клеткi i абалонку нервовых валокнаў, панiжаюць узровень халестэрыну i прыпыняюць рост атэрасклератычных бляшак.

Дарэчы, падчас ужывання алеяў неабходна ўлiчваць iх спалучальнасць з iншымi прадуктамi. Вынiкi даследаванняў спецыялiстаў у галiне здаровага харчавання паказалi, што найбольш камфортна гэтым тлушчам з арэхамi, семкамi, сухiмi зернебабовымi, грыбамi, гароднiнай, у тым лiку з бульбай, зяленiвам, водарасцямi, кашамi, макаронай, iржаным i зерневым хлебам. Дапушчальна спалучэнне са смажанай рыбай, смажаным мясам, селядцом, iкрой, крэветкамi, кальмарамi, кiслымi фруктамi, таматамi i са здобай.

БУРАКАМI I РАЗЫНКАМI — ПА СВАБОДНЫХ РАДЫКАЛАХ

Кожная з 3 трыльёнаў клетак нашага арганiзма 10 тысяч разоў у дзень атакуецца свабоднымi радыкаламi. Узнiкненне свабодных радыкалаў у малекулах нашых клетак можа быць выклiкана забруджаннем паветра i вады, уздзеяннем радыяцыi i сонечнага святла, уплывам алкаголю, курэння, хiмiчных злучэнняў, якiя трапляюць у арганiзм з ежай.

Моцны арганiзм здольны справiцца з «агрэсiўнымi» малекуламi. Аднак неспрыяльныя фактары навакольнага асяроддзя павялiчваюць колькасць шкодных рэчываў, i арганiзму становiцца ўсё складаней спраўляцца з ворагам. Дапамагчы павiнны антыаксiданты — у выглядзе спецыяльных дабавак, вiтамiнных комплексаў або садавiны-гароднiны. Магутнымi антыаксiдантамi прызнаны чарнаслiў, разынкi, чарнiцы, ажына, клубнiцы, малiна, слiва, апельсiн, чырвоны вiнаград, вiшня, капуста, шпiнат, брусельская капуста, артышок, брокалi, буракi, чырвоны перац, цыбуля, фасоля, баклажан.