Прыкрыты падпольны мясны цэх

Источник материала:

Паводле даных аддзела iнфармацыi i грамадскiх сувязяў УУС Мiнаблвыканкама, падпольны мясаперапрацоўчы цэх, якi належыць сталiчнаму iндывiдуальнаму прадпрымальнiку, быў выяўлены ў пасёлку Мачулiшчы. Дзейнасць яго арганiзавана адным са сталiчных таварыстваў з дадатковай адказнасцю, дырэктарам якога з’яўляецца вясковы жыхар. А вось дазвол на арганiзацыю вытворчасцi па перапрацоўцы мяса i вырабу каўбасы ў ТДА адсутнiчаў. Аднак гэта не адзiны «хiб». Спецыялiсты Мiнскай абласной ветэрынарнай службы, якiя былi запрошаны сюды для экспертызы, вынеслi заключэнне аб тым, што прадукцыя з’яўляецца недабраякаснай, а вытворчае абсталяванне i памяшканне цэха не адпавядаюць санiтарна-эпiдэмiялагiчным патрабаванням. Мiж iншым, канфiскаванае мяса курэй, субпрадукты, ялавiчыну, свiнiну i каўбасныя вырабы прайдзiсветы падрыхтавалi для рэалiзацыi пад гандлёвым знакам адной з птушкафабрык. Акрамя таго, устаноўлены факт захоўвання без адпаведных дакументаў, якiя пацвярджаюць набыццё, кансерванта (нiтрыта натрыя), якi выкарыстоўваецца ў вытворчасцi i адносiцца да катэгорыi моцнадзеючых хiмiкатаў.