Супрацоўнiкам i ветэранам органаў унутраных спраў Рэспублiкi Беларусь

Источник материала:

Ад усёй душы вiншую вас са знамянальным юбiлеем — 90-годдзем беларускай мiлiцыi.

Сёння наша краiна, увесь беларускi народ ушаноўвае тых, хто па заклiку сэрца выбраў для сябе адну з самых важных i адказных прафесiй — абараняць правапарадак.

За дзесяцiгоддзi, што мiнулi з моманту станаўлення беларускай мiлiцыi, яе гераiчны летапiс папоўнiўся многiмi слаўнымi старонкамi.

У вельмi складаных умовах, спароджаных грамадзянскай вайной, першыя мiлiцыянеры з гонарам вытрымалi выпрабаванне на моцнасць. Перамаглi хвалю крымiнальнай беззаконнасцi, што захлiснула краiну. Стварылi неабходныя ўмовы для будаўнiцтва новага грамадства.

Неўмiручай славай пакрылi сябе супрацоўнiкi мiлiцыi ў час Вялiкай Айчыннай вайны. На фронце, у партызанскiх атрадах, падполлi i ў тыле яны, не задумваючыся, прыносiлi свае жыццi на алтар Вялiкай Перамогi.

I ў мiрны перыяд мiлiцэйская служба не стала больш лёгкай i бяспечнай. Але на змену старэйшым таварышам заўсёды прыходзiлi новыя пакаленнi прафесiяналаў, якiя ставiлi вернасць Радзiме i абавязку вышэй за ўсё.

Сёння ў беларускай мiлiцыi такiх супрацоўнiкаў пераважная большасць. У вынiку iх напружанай штодзённай працы забяспечаны высокi ўзровень грамадскай бяспекi, што па праву стала вiзiтнай карткай Беларусi.

Вам даверана аберагаць жыццё i спакой грамадзян, iнтарэсы дзяржавы, змагацца з парушэннямi закона. Гэта цяжкая, але ганаровая мiсiя.

Перакананы, што пры вырашэннi пастаўленых задач вы i ў далейшым будзеце служыць узорам асабiстай прыстойнасцi i прынцыповасцi. Беларускiя грамадзяне ўпэўнены, што заўсёды знойдуць у вас дапамогу i падтрымку. Што iх правы i законныя iнтарэсы будуць надзейна абаронены ўсёй магутнасцю дзяржавы, сiлай i ўладай, якая дадзена вам народам. Апраўдаць гэты давер — ваша галоўная задача.

Дзякую вам за службу Радзiме. Шчыра жадаю новых поспехаў у вашай адказнай дзейнасцi ў iмя працвiтання Рэспублiкi Беларусь.

Моцнага здароўя, шчасця i дабрабыту вам i вашым блiзкiм.

Прэзідэнт Рэспублікі Беларусь Аляксандр ЛУКАШЭНКА.

4 сакавiка 2007 года.