Беларусь iмкнецца да абсалютнага выключэння дыскрымiнацыi па прымеце полу

Источник материала:

Наталля Пяткевiч праiнфармавала Генеральную Асамблею аб рэалiзацыi двух пяцiгадовых нацыянальных планаў дзеянняў Беларусi па забеспячэнню гендэрнай роўнасцi. Кiраўнiк беларускай дэлегацыi ахарактарызавала рашучыя меры, што прымаюцца ўрадам Беларусi па паляпшэнню становiшча жанчын у галiне працоўнай занятасцi, павышэнню iх прадстаўленасцi ў органах улады i дзяржаўнага кiравання, абароне сацыяльных правоў i iнтарэсаў беларускiх мацi.

«Забеспячэнне рэальнай роўнасцi правоў мужчын i жанчын, павелiчэнне долi жанчын, якiя займаюць кiруючыя пасады, узмацненне iх ролi ў прыняццi кiраўнiцкiх рашэнняў i ў цэлым у дзяржаўным i грамадскiм жыццi — гэта не проста iдэя або пажаданне. Гэта напрамак дзяржаўнай палiтыкi Рэспублiкi Беларусь, замацаваны заканадаўча», — заявiла Наталля Пяткевiч.

У пасяджэннi ўдзельнiчаюць каля 30 мiнiстраў i намеснiкаў мiнiстраў, якiя адказваюць у сваiх краiнах за сацыяльную падтрымку i пашырэнне правоў i магчымасцяў жанчын, а таксама кiраўнiкi дыпламатычных мiсiй, акрэдытаваных пры ААН, прадстаўнiкi шматлiкiх мiжурадавых i няўрадавых арганiзацый. У цэлым прыняць удзел у дыскусii маюць намер больш як 80 дзяржаў i iншых удзельнiкаў глабальнага працэсу па адстойванню правоў i iнтарэсаў жанчын.

Звяртаючыся да ўдзельнiкаў пасяджэння, генеральны сакратар ААН Пан Гi Мун адзначыў, што ўзгодненыя на мiжнародным узроўнi мэты i абяцаннi ў галiне гендэрнай роўнасцi i пашырэння правоў жанчын яшчэ далёкiя ад iх рэальнага ўвасаблення на практыцы.