Усё больш узнагароджаных...

Источник материала:

Моладзь з Салiгорска, Маладзечна, Чэрвеня, Жодзiна, Слуцка, Барысава... зусiм розная — педагогi, будаўнiкi, зваршчыкi. Яны яшчэ вучацца альбо пачалi працаваць, iх цiкавяць розныя рэчы, але аб’ядноўвае тое, што ў сваёй прафесii яны здолелi стаць аднымi з лепшых, праявiлi стараннасць i захапленне.

— За адзiнаццаць гадоў прэмiю атрымалi каля 15 тысяч чалавек. Толькi летась ёю было ўзнагароджана 1700 юных талентаў нашай краiны, — зазнае Вольга Бялова, старшыня Савета спецыяльнага фонду Прэзiдэнта Рэспублiкi Беларусь па сацыяльнай падтрымцы адораных дзяцей, навучэнцаў i студэнтаў. — Пошук талентаў заўсёды застаецца справай дзяржаўнай важнасцi.

За гады iснавання прэмii мы значна прасунулiся наперад. Створаны рэспублiканскi банк даных, у якi занесены 5853 таленавiтыя асобы з лiку моладзi. Зацiкаўленасць з боку падлеткаў пастаянна павышаецца, i мы пiльна адсочваем кожны юны талент. Колькасць зваротаў да нас таксама год ад году толькi расце.

У прыватнасцi, на Мiншчыне Прэмiю па сацыяльнай падтрымцы таленавiтай моладзi атрымалi зараз значна больш чалавек. Напрыклад, яшчэ некалькi гадоў таму ў Мiнскай вобласцi іх было толькi тры. «Сённяшнiя ўзнагароды былi атрыманы i за перамогi ў конкурсах прафесiйнага майстэрства, а таксама чацвёртага Рэспублiканскага фестывалю «Беларускi лянок». Педагогi вобласцi могуць ганарыцца тым, што iх выхавальнiкi з кожным годам павышаюць свой адукацыйны, iнтэлектуальны ўзровень», — падкрэслiў першы намеснiк начальнiка ўпраўлення адукацыi Мiнскага аблвыканкама Мiкалай Кулеш.