Пераафармленне чэкаў «Маёмасць», атрыманых у парадку дарэння, на чэкi «Жыллё» не прадугледжана

Источник материала:

Наталля Аляксееўна ШУТ, Клецкi раён.

Лiст чытачкi па просьбе рэдакцыi быў разгледжаны Фондам дзяржаўнай маёмасцi Дзяржаўнага камiтэта па маёмасцi Рэспублiкi Беларусь.

«Атрыманне грамадзянамi чэкаў «Жыллё» ў адпаведнасцi з налiчанай жыллёвай квотай ажыццяўлялася ў парадку, устаноўленым загадам Мiнiстэрства жыллёва-камунальнай гаспадаркi «Аб зацвярджэннi i ўвядзеннi ў дзеянне нарматыўна-метадычных актаў аб парадку рэалiзацыi Закона «Аб прыватызацыi жыллёвага фонду ў Рэспублiцы Беларусь» ад 30.06.1992 г. № 40. У адпаведнасцi з устаноўленым парадкам, афармленне жыллёвай квоты (чэкаў «Жыллё») магло ажыццяўляцца па заяве грамадзянiна са згоды ўсiх паўналетнiх членаў сям’i на аднаго чалавека, у дадзеным выпадку, на вашага мужа.

Пры немагчымасцi выкарыстання грамадзянiнам чэкаў «Жыллё» па мэтаваму прызначэнню чэкi «Жыллё» маглi быць па яго жаданню абменены на чэкi «Маёмасць». У адпаведнасцi з Палажэннем аб парадку абмену iмянных прыватызацыйных чэкаў «Жыллё» на чэкi «Маёмасць», такi абмен ажыццяўляўся добраахвотна на падставе заявы грамадзянiна. Пры гэтым грамадзянiн меў права абмяняць на чэкi «Маёмасць» чэкi «Жыллё», атрыманыя як асабiста, так i ад iншых членаў сям’i, г.зн. аб’яднаную жыллёвую квоту.

Для ажыццяўлення вяртання па просьбе грамадзян чэкаў «Жыллё», абмененых iмi на чэкi «Маёмасць», у 1996 годзе было распрацавана Палажэнне аб парадку пераафармлення чэкаў «Маёмасць» на чэкi «Жыллё». Пры пераафармленнi чэкi «Маёмасць» спiсвалiся са спецчэкавага рахунка грамадзянiна, а ўзамен яму выдавалiся чэкi «Жыллё». На падставе ўказанага Палажэння ваш муж мог перааформiць на чэкi «Жыллё» тыя чэкi «Маёмасць», якiя раней былi перааформлены iм з чэкаў «Жыллё». Пераафармленне ж на чэкi «Жыллё» чэкаў «Маёмасць», атрыманых у парадку дарэння, указаным Палажэннем не прадугледжана.

Паведамляем таксама, што, у адпаведнасцi з Дэкрэтам Прэзiдэнта Рэспублiкi Беларусь ад 7 чэрвеня 2005 года № 6 «Аб упарадкаваннi абарачэння i выкарыстання iмянных прыватызацыйных чэкаў «Жыллё», з 1 студзеня 2007 года спынена выдача iмянных прыватызацыйных чэкаў «Жыллё», адпаведна, спынена i пераафармленне чэкаў «Маёмасць» на чэкi «Жыллё».

Атрыманыя ў парадку дарэння чэкi «Маёмасць» ваша дачка можа выкарыстаць толькi па мэтаваму прызначэнню, г.зн. для абмену на акцыi адкрытых акцыянерных таварыстваў, створаных у працэсе прыватызацыi дзяржаўнай маёмасцi. Абмен ажыццяўляецца ў абасобленых падраздзяленнях ААБ «Беларусбанк» па месцы жыхарства грамадзян».