Хроніка апошніх падзей

Источник материала:

Прэзiдэнт Украiны Вiктар Юшчанка лiчыць iдэю размяшчэння элементаў амерыканскай сiстэмы ПРА ў Польшчы i Чэхii адпаведнай iнтарэсам усёй Еўропы.

На думку Юшчанкi, развiццё любой абарончай мадэлi ў любым рэгiёне свету, уключаючы i Еўропу, узмацняе асновы мiру. Адказваючы на пытанне аб адносiнах да яўна адмоўнай пазiцыi па размяшчэнню ў Еўропе элементаў ПРА прэм’ер-мiнiстра Украiны Вiктара Януковiча, прэзiдэнт назваў яе «няправiльным сiгналам». Нагадаем, 14 сакавiка ва Украiну прыедзе група амерыканскiх экспертаў па пытаннях ПРА.

Згодна з вынiкамi сацапытанняў, каля 70 працэнтаў украiнцаў адмоўна ставяцца да магчымасцi размяшчэння баз процiракетнай абароны ў Чэхii i Польшчы.

ПАРЛАМЕНТ ГРУЗII ПРАГАЛАСАВАЎ ЗА ЧЛЕНСТВА Ў НАТО

Парламент Грузii прыняў дэкларацыю аб тэрмiновым уступленнi рэспублiкi ў Паўночнаатлантычны альянс. Дакумент быў зацверджаны адзiнагалосна.

Дэкларацыя заклiкае хутчэй выканаць умовы, якiя дазволяць Грузii перайсцi на чарговы этап супрацоўнiцтва з НАТО. Акрамя таго ў дакуменце вядзецца размова аб больш шырокiм удзеле рэспублiкi ў ваенных аперацыях пад эгiдай блока. Спiкер парламента Нiно Бурджанадзэ падкрэслiла, што з членствам у Паўночнаатлантычным альянсе для Грузii «звязаны надзеi на аднаўленне тэрытарыяльнай цэласнасцi рэспублiкi».

У Маскве еўраатлантычныя планы Тбiлiсi звязваюць з жаданнем сiлай вярнуць кантроль над Абхазiяй i Паўднёвай Асецiяй. Як заявiў пасол Расii Вячаслаў Каваленка, магчымае членства Грузii ў НАТО «бязмерна ўскладнiць рашэнне канфлiктаў», звязаных з гэтымi непрызнанымi рэспублiкамi.

У ЗША 7-ГАДОВУЮ ДЗЯЎЧЫНКУ ЗАКАРМIЛI ДА 222 КГ

Амерыканскi тэлеканал АBС6 апублiкаваў шакiруючае вiдэа дзяўчынкi з Чыкага, якая ў свае 7 гадоў важыць больш за 200 кг.

7-гадовая Джэсiка з-за сваёй велiзарнай вагi не можа хадзiць i нават стаяць на нагах, перасоўваецца па хаце паўзком цi ў сядзячым становiшчы. Дзяўчынка з цяжкасцю размаўляе, у яе пастаянная аддышка. Але пры гэтым яна пастаянна просiць есцi. Штодня яе мацi кiлаграмамi скормлiвае Джэсiцы ежу з фаст-фуда i дае пяць лiтраў газiроўкi. Такiм чынам дзяўчынка атрымлiвае за дзень 10 тысяч кiлакалорый, у той час як сутачная патрэба дзiцяцi такога ўзросту складае 1800 ккал. Мясцовыя ўлады па гэтаму факту абяцалi распачаць расследаванне.

ВЫКРАЎ АЛМАЗАЎ НА $28 МIЛЬЁНАЎ

Палiцыя Бельгii аб’явiла ўзнагароду ў 2 мiльёны еўра за прадастаўленне iнфармацыi, якая дапаможа злавiць рабаўнiка, якi 5 сакавiка выкраў з банка АBM Аmrо ў Антверпене алмазаў на суму 28 мiльёнаў долараў.

Паводле некаторай iнфармацыi, рабаўнiком мог стаць адзiн з пастаянных клiентаў банка, якi меў доступ да сховiшча алмазаў. Праваахоўныя органы распаўсюдзiлi яго фотаробат. Паводле слоў служачых банка, рабаўнiком мог стаць мужчына ва ўзросце 55—60 гадоў, ростам пад 190 см. Палiцыя пакуль нiчога не паведамiла аб прычынах, па якiх iнфармацыя аб крадзяжы была абнародавана толькi праз тыдзень пасля злачынства. Таксама невядома, кiм прадастаўлены грошы на ўзнагароджанне.