Малочныя прадукты: лепш абястлушчаныя!

Источник материала:

Асаблiвую каштоўнасць уяўляюць бялкi малака, якiя ўтрымлiваюць усе неабходныя для жыццядзейнасцi арганiзма незаменныя амiнакiслоты. Малако, малочныя прадукты, асаблiва кiсламалочныя, з’яўляюцца добрым лячэбным сродкам для людзей, якiя пакутуюць ад страўнiкава-кiшачных захворванняў. У тэхналогii вырабу кiсламалочных прадуктаў выкарыстоўваюцца бактэрыяльныя закваскi. Малочнакiслыя бактэрыi ствараюць у страўнiкава-кiшачным тракце кiслае асяроддзе, што перашкаджае развiццю гнiласных бактэрый, якiя выклiкаюць распад бялкоў ежы з утварэннем таксiчных рэчываў.

Зараз шырокае распаўсюджанне атрымалi кiсламалочныя прадукты, узбагачаныя прабiётыкамi — прадстаўнiкамi абарончай флоры арганiзма i вiтамiнамi А, С, Д, Е. Сёння вырабляецца досыць шырокi асартымент як традыцыйных прадуктаў (смятана, кефiр, сыракваша, ражанка), так i кiсламалочных прадуктаў новага пакалення, узбагачаных бiфiдабактэрыямi, лактулозай, з выкарыстаннем фруктовых напаўняльнiкаў (ёгурты, бiяёгурты, бiякефiр, бiфiлiн). Высокае ўтрыманне ў кiсламалочных прадуктах бiфiдабактэрый спрыяе нармалiзацыi мiкрафлоры арганiзма чалавека i павышае iмунiтэт. Асаблiва карысныя «жывыя» ёгурты i бiяёгурты, якiя вырабляюцца без тэрмiчнай апрацоўкi. Спалучэнне малочнай сыравiны з фруктова-ягаднымi напаўняльнiкамi значна ўзбагачае прадукты прыроднымi бiялагiчна актыўнымi рэчывамi: вiтамiнамi, арганiчнымi кiслотамi i мiнеральнымi солямi. Пры гэтым жалеза засвойваецца арганiзмам значна лепш, чым тое, што ўваходзiць у склад лекавых прэпаратаў. Фрукты i ягады, якiя ўваходзяць у якасцi напаўняльнiкаў у кiсламалочныя прадукты, з’яўляюцца натуральнымi вiтамiнаакiсляльнiкамi. Яны ўтрымлiваюць шмат карацiну, а арганiчныя кiслоты актывiзуюць дзейнасць стрававальных сокаў i паляпшаюць рухальную функцыю кiшэчнiка.

Найбольш карыснымi з’яўляюцца абястлушчанае малако i малочна-кiслыя прадукты, якiя не саступаюць па сваёй бiялагiчнай каштоўнасцi неразведзенаму малаку. Пры гэтым энергетычная каштоўнасць абястлушчанага малака амаль у 2 разы меншая, чым неразведзенага. У абястлушчанае малако пераходзiць з неразведзенага звыш 70 працэнтаў сухiх рэчываў, а бялкi i малочны цукар — поўнасцю. Мiнеральныя рэчывы амаль усе пераходзяць з неразведзенага малака ў абястлушчанае.