Напрыканцы сакавiка чакаюцца невялiкiя замаразкi, а красавiк будзе цёплым i дажджлiвым

Источник материала:

Таму ў апошнi тыдзень сакавiка ранiцай перад свiтаннем чакаюцца невялiкiя замаразкi ад 0 да мiнус 3 градусаў, удзень — 1—7 цяпла, а па паўднёвай частцы краiны — да плюс 10 градусаў.

Паводле папярэднiх прагнозаў сiноптыкаў, у першай дэкадзе красавiка ў зоне павышанага цiску будуць рухацца малаактыўныя атмасферныя франты, якiя прынясуць невялiкiя дажджы. Разам з тым дзённая тэмпература паветра павысiцца ад плюс 5 градусаў на паўночным усходзе да 10—14 цяпла на паўднёвым захадзе краiны. Ужо ў другой дэкадзе красавiка чакаецца iстотнае змяненне сiнаптычных працэсаў. Разам з вiльготным атлантычным паветрам адбудзецца далейшае павышэнне тэмпературнага рэжыму. Чакаецца, што сярэднядзённая тэмпература паветра ў другой палове красавiка будзе ў межах 8—13 градусаў цяпла, а ў асобныя днi па поўднi краiны — нават да плюс 15—20 градусаў. Аднак у апошнiя днi другога месяца вясны чакаецца традыцыйнае перадмайскае пахаладанне. На фоне антыцыкланальнага надвор’я ўначы i ранiцай чакаюцца нават замаразкi да мiнус 1—2 градусаў. Сiноптыкi разлiчваюць, што па тэмпературы i ападках надвор’е ў красавiку будзе адпавядаць клiматычнай норме. Сярэднямесячная тэмпература паветра складзе ад плюс 4 градусаў у паўночнай частцы рэспублiкi да 7 цяпла на паўднёвым захадзе. Месячная колькасць ападкаў прагназуецца ад 40 да 51 мм. Спецыялiсты лiчаць, што ў красавiку будзе не менш як 10—14 дажджлiвых дзён.