Сяргей СІДОРСКІ: «Беларусь пацвярджае сваю гатоўнасць да стварэння Мытнага саюза»

Источник материала:

Як адзначыў Сяргей Сiдорскi, да чарговай сустрэчы кiраўнiкоў урадаў ЕўрАзЭС у Астане ў красавiку рыхтуецца 18 пытанняў. Праведзенае нядаўна пасяджэнне Iнтэграцыйнага камiтэта ЕўрАзЭС паказала, што ёсць шэраг нявыкананых даручэнняў. З 24 пагадненняў падрыхтавана 18. Прэм’ер-мiнiстр Беларусi нагадаў: «Мы дамовiлiся далажыць кiраўнiкам дзяржаў аб праведзенай рабоце па фармiраванню пакета дакументаў, якiя датычацца стварэння адзiнага мытнага саюза». Гэту работу планавалася завяршыць да 1 студзеня 2007 года. Але, на жаль, гэты працэс не завершаны. Па шэрагу пагадненняў ёсць рознагалоссi. У ходзе сустрэчы таксама было адзначана, што расiйскi бок зняў з абмеркавання 5 дакументаў. «Мы б хацелi ведаць, што неабходна зрабiць беларускаму боку ў гэтым выпадку. Калi гэта адыход нашых калег ад пазiцыi будаўнiцтва еўразiйскай прасторы, давайце абмяркоўваць гэтыя пытаннi», — сказаў беларускi прэм’ер.

Прэм’ер-мiнiстр Беларусi выказаўся таксама наконт уступлення Расii ў Сусветную гандлёвую арганiзацыю. «Мы падтрымлiвалi, падтрымлiваем i будзем падтрымлiваць Расiйскую Федэрацыю з пункта гледжання ўступлення ў СГА. Тут мы выконваем сiнхронныя рухi ў перагаворным працэсе». Наколькi вядома, дадаў Сяргей Сiдорскi, Казахстан таксама «прымервае» iншыя пазiцыi — зняць усе абмежаваннi, i тым самым мiнiмiзаваць затраты па ўступленню ў СГА. «Тады гэта не вырашае пытанняў адзiнага мытнага саюза», — падкрэслiў ён.

Сяргей Сiдорскi лiчыць, што да красавiка ў падрыхтоўцы дакументаў па фармiраванню Мытнага саюза неабходна зрабiць пэўныя зрухi. «Галоўныя даручэннi намi пакуль не выкананы. I мы павiнны сёння ведаць, што вырашаць, каб зрабiць гэту работу за час, што застаўся».